• Breaking News

    Kawnpui Zone Football Association League Semi Final lut a hriat ta

    Kawnpui Zone Football Association buatsaih Football league chu league round khelh zawh a ni ta a, team tin te vawi 2 theuh inkhel kual chhuakin heta tanga a ti tha pali Venglai GSA, Zanlawn GSA, Aizawl Fc Academy leh Bualpui Fc te chuan Semi Final an in pet kai ta a ni.Semi Final ah hian Zanlawn GSA leh Aizawl Fc Academy te in hmachhawn Venglai GSA leh Bualpui Fc ten an inhmachhawn dawn bawk a ni.Team intiat tlang tak an nih hlawm avangin Semi Final nung leh hmuhnawm tak a nih ngei a beiseiawm.

    2nd leg bik thlir letna lo nei thuak thuak ila. Team tin an intiat tawkin tha fal taka han sawi tur an awm loh laiin experience player kawl hnem leh keeper nei tha Venglai Gsa te bawk team tlo berah an tang leh a, an khelh that vak loh ni pawn point 3 an hmu thei thin a,2nd leg ah pawh Aizawl Fc Academy te an hneh lo zeuh tih loh chu an khing pui te an hneh fai leh vek a ni. Goal 26 thunin goal 5 chiah an chhuah thung a, 36points hmuin table hmahruai tu an ni chiang hle.

    Team inbuatsaih tha ber te zinga mi Zanlawn Gsa te pawh 2nd leg ah an che tha in Venglai Gsa laka an tlawm bak chu chakna an chang fai vek bawk a ni. An team work a thain game mawi tak an lantir thin a, midfield vela an ball inpe kual vel a hmuhnawm thin hle mai. Zanlawn GSA te hian Game mawi tak an khelh piah lamah hian Football in a ken tel tlat Fair Play an ngaipawimawhin buai pumpelh an duh zel leh pawnlam atanga player te an hotuten an beng dai zel thei hian an team in lungrual na leh thawhho na a to lang chiang hle awm e. Tin rawlthar rual chherchhuah kawngah Zanlawn GSA te an entawntlak viau mai bawk. League khelh chhung zawngin Goal 32 thunin Goal 16 an chhuah ve thung a, point 31 thawkchhuakin table ah 2 naah an awm a ni.


    2nd leg a harh tharna chang rawlthar rual awm khawm Aizawl Fc Academy ten he league hi a tikim tu nih mai tum loin theihtawpin an bei tih 2nd leg ah an lantir thei a ni. An naupang rualin a then te phei chu kum 14 lek te an ni hlawm a, player tam zawk hi u-16 player an ni nghe nghe a ni,amaherawhchu chak duhna thinglung nen an khel thin erawh an hmuh a nuam thin kher mai. 1st leg-a an pan na lai Goal keeper leh forward lam te insiam tha hretin 2nd leg ah hian goal 26 thunin goal 5 chauh an chhuah ta a ni. Heti ang zela hma an sawn chho a nih chuan Kawnpui Football sang taka thlenpui thei tu anla ngei ang. Chutih rual erawh chuan mahni inthununna(self discipline) erawh an vawn nun reng a pawimawh dawn a ni. League pumpuiah Goal 38 thunin Goal 17 an chhuah thung a, point 22 hmuin table ah 3naah an awm a ni.


    1st leg che tha tak 2nd leg lama zuih ral ta lek lek Bualpui Fc te hian Semi Finala venglai paltlang an duh a nih chuan an insiam that ve viau a ngai dawn a ni. Chutih rual erawh chuan Bualpui Fc te hian player talent tha tak tak an kawl avangin 2nd leg ah Vengthar United te an la hneh thei a, hei hian semi final a hlangkai a tih theih awm e. Bualpui Fc te leh Vengthar United te hi point 21 ve ve in hmuin, an intum tum a, chakna chang zawk Bualpui Fc te Head to Head a chungnung zawkin goal 14 thuna goal 16 chhuah point 21 an thawkchhuak a, table ah palina ah an awm thei a ni.


    2nd leg ah hian LMFC Blue leh Red te rawn inlan chhunzawm thei lo in walk over anga kalpui an ni a, team zawng zawngin 6points an nei sa tihna a ni. Tin 1st leg a khel tha tak 2nd leg lama zuih ral ta deuh te, tin tangmar pat te, hma han sawn ta viau te an awm a. He league hian Kawnpui Football ah hmasawnna rahbi thar pawimawh tak a thlen ngei a beiseiawm tak meuh a ni.

    Semifinal Fictures (19.1.2019)

    11:00 am  Zanlawn Vrs AFC Academy
    1:30pm     Venglai GSA Vrs Bualpui FC

    No comments

    Post Top Ad

    Post Bottom Ad