• Breaking News

    Kawnpui SDO(C) Office sawn a ni dawn (?)

    Additional DC, Kolasib
    Kawnpui Dt. 16th Feb., 2019  : Nimin khan CRC Hall, Kawnpui-ah Kawnpui Sub-Division SDO (C) Office leh Quarters sak \hat chungchang Kawnpui VCs leh NGOs te nen sawiho a ni a, sawihona a\anga a lan danin SDO (C) chu tuna Quarters awmna sawn a nih a rinawm.

    Kolasib Additional DC Pu Laltanpuia Hnamte kaihhruai-ah hian Kawnpui Town chhunga VCs palite leh NGOs - YMA, MUP leh MHIP hruaitu zawng zawngte kohkhawm an ni a, kalkhawmte chuan an ngaihdan leh duh dan te sawiin a tawpah ding chunga vote lak a ni a, SDO(C) Office sawn duh a letin an tam zawk a ni.

    SDO (C) Office chungchang
    Tuna SDO (C) Office awmna hmun Kawnpui Hmarveng ami hi Pu H. Bata (L) in a ram a pek a ni a, a bul hnaiah AO Office, Quarters leh Go Down hmun hlui awm mahse Addl DC chuan proposal leh project siam a nih laiin ram awl a awm hriat a ni lova, tuna SDO (C) Office hmun pawh hi land lease siam a la nih loh avangin tuna Kawnpui Banglaveng-a SDO (C) Quarters hmun vekah dah tur hian ngaihtuahna sen a ni a, chutiang tur chuan ruahmanna kalpui a nih thu a sawi a, tun hnaiah VC - I Kawnpui mipuiten SDO Office sawnchhuah an duh loh avang leh khaw mipuite duhthlanna a nih avangin khawtlang mipui ngaihdan lak \ul a tih thu a sawi a ni.

    He hunah hian Kawnpui SDO (C) Pi Lalhruaitluangi, MCS chuan SDO (C) Office hi mi zawng zawng mamawh a nih avangin veng bil rilru paih bova, mi zawng zawngin kan chhawr theih tura a awm hi a tha ber a ni a ti a. Tin, Addl DC chuan District siam belh lam aiin Sub-Division tihchangtlun hi Sawrkar hmachhawp a ni a, hemi kawngah hian theih tawpa hmalak mek a ni a, mipui vantlangin kan mamawh hrang hrangte pawh District Capital pan buai ngai lova Sub-Division-a buaipui theih vek tura Sub-Division tihchangtluna tihlen hi Sawrkar tum a ni a ti.

    He Meeting-ah hian VC-I lama NGOs leh VC te chuan an huam chhunga SDO (C) Office awm sa sawn chhuah chu an duh loh thu an sawi a, Bualpui VC huam chhung te chuan khawiah pawh awm se an lungawi thu sawiin VC-II leh VC-III te chuan Commercial Area - mipuiin kan pan awlsamna tur ber tunah Quarters awmnaah hian awm se an duh thu an sawi bawk a ni.

    Hun tawp-ah ding chunga vote lak a ni a, Office hmun ngaia awm duh mi 35 dingin Office sawn chu mi 62 an ding a ni. Pu Laltanpuia Hnamte chuan tuna vote lak hi sawn ngei dawn tihna a nih loh thu a sawi thung a ni.

    SDO(C) Office, Quarters leh Type II Quarters sak nan hian NEDP atangin cheng Nuai 160 a lokal a ni.

    No comments

    Post Top Ad

    Post Bottom Ad