• Breaking News

    Kawnpui College tan MLA Fund

    Kawnpui

    Pu Andrew H Thangliana Bialtu MLA hova Kawnpui College Governing Body Meeting nimin tlai-a neih ah chuan Bialtu MLA chuan College enkawl zui zelna atan MLA Fund chu a theih anga tam pek a inhuam thu a sawi a. Chutih rualin khaw tin leh veng tinin MLA Fund hmanga mipui mamawh siam kan beisei vek a; chuvangin tunah College tana pek theih zat tur sawi theih nilo mahse khawtlang hruaitute nen la ngaihtuah zel a ni ang a ti. College enkawltuten reports an pek danin MLA kal chhuak ta Pu Hmingdailova Khiangte khan cheng Nuai 20 pek tur a ruahman a; mahse Nuai 15 a pe ta zawk a; chumi hmang chuan mipui lama thawhlawm khawn lovin College hi enkawl a ni a; tunah hian pawisa tlem a la awm niin an sawi.

    Nimina Board Meeting chuan College chhinchhiahna (logo) tura duan chu an pawm nghal a; logo chhungah hian Greek tawngin ‘Gnosis estin Dunamis’ tih a inziak a; chu chu Mizotawng chuan ‘thiamna hi theihna a ni’ tih a ni. Logo ah hian Mizo Puan chei leh Kristian te chhinchhiahna Kross a awm bawk a; Lehkhabu lem awm chu Eng hmanga chhun a ni bawk.

    Nimina Meeting ah hian College thawktute chuan zirlaiten Internal Exam tal Kolasib-ah kal lova, Kawnpui College-a Exam theih an mamawh thu an sawi a. Kawnpui College zirlai te chu Kolasib-a an Pawlpui te zingah a titha pawl an ni tih an sawi bawk.

    Logo
    Kawnpui College Logo


    No comments

    Post Top Ad

    Post Bottom Ad