• Breaking News

    Jayasuriya kum hnih atan hrem a ni

    Sri Lanka
    Sri Lanka cricket captain hlui Sanath Jayasuriya chu International Cricket Council (ICC) hnuaia Anti-Corruption Code a bawh chhiat avangin kum hnih chhung cricket-a inhmang thei lo turin hrem a ni.

    Kum 49-a upa Jayasu-riya hi nikum October thla khan eirukna thubuai an chhuinaah ICC hotute thawh pui duh lo leh finfiah -na awm thei tichhiaah puhin thubuai siamsak a ni a. Kum 2012 a cricket chawlhsan tawh ni mah se, Sri Lankan cricket-a mi pawimawh ani a, selector chairman-te pawh a ni tawh a ni.

    Jayasuriya hi kum 1996 a Sri Lanka-in World Cup an thlen \um khan player of the tournament a ni a. One-Day International match 445 a khelhah century vawi 21 vaw chhuakin, wicket pawh 323 lai a la hman a. Test lamah pawh match 110 lai khelin, match tina run 40.07 siam zel ang a ni.

    ICC anti-corruption unit-a general manager Alex Marshall chuan, “Eirukna thubuai chhuina kawnga min thawhpui \hat duh loh avangin Sanath hi hrem a ni a, min thawhpui \ha lo a ni satliah lo va, evidence-te pawh a tichhia a ni,” a ti.

    Jayasuriya hi Sri Lanka ram Minister-te pawh a lo ni tawh bawk a. ICC-in an thil chhuinaah a phone leh a SIM card-te pe turin an ngen a, a pe duh lo va, a tichhia a. “Ka lakah hi chuan eirukna thubuai an siam lo ang, chutianga siam tur ka nei lo,” a ti a. Mahse, a felzia lantir turin a phone leh SIM card-te chu thuneitute hnenah a pe duh lo tlat si a ni.

    No comments

    Post Top Ad

    Post Bottom Ad