• Breaking News

    Japan atangin Buhchangphai rawn enfiah

    Japan International Co- Operation Agency (JICA) Hqrs Tokyo atangin JICA Review Mission member ten nimin khan Kolasib District-a Pilot village Buhchangphai-a Buh leh thlai thar kawnga Japan thiamna inhlanchhawn dan Project kalpui mek dinhmun an rawn enfiah.

    Nimin khan Irrigation & Water Resources Department Conference Hall ah Kolasib a Line Dept hotu te nen JICA project an kalpui mek a an hmalak tawhna leh hmalakna zel dan tur sawiho a ni a, Nikum chhung hian Japan thiamna hmanga Buh tharchhuah dan te, Kuhva leh hmunphiah chin dan training pek an nih hnuah kumin hian heng Buh, kuhva leh Hmunphiah chin dan te hi Japan technology hmangin  kuthnathawktu ten an ching dawn a ni.

    He hunah hian JICA Review Mission Team Leader Narihide Nagayo chuan thu tawi sawiin hun lo la awm turah pawh thawhhona tha zawk an beisei thu leh hlawhtling ngei tura a duh thu a sawi a, line dept hrang hrangte chu thawkho an nih anga thawkho tha leh zual  turin a ngen bawk a, nimina line department te nena project kalphung leh hmalakna an sawihona chuan rah tha lehzual chuah ngei se a duh thu a sawi bawk a ni.

    He hunah hian Line Department hrang hrang MI, Soil, Agriculture  leh Hoticulture ten an hmalak tawhn te an lo hrilhfiah bawk a ni.

    Line Department te nena inkawmkhawmna neih a nih zawh hnu hian Pilot Village atana thlan  Buhchangphai an tlawh nghal bawk a ni. JICA Project hi kum nga chhung atana kalpui tur a ni a, Kum tin Khaw hrang hrangah loneitute hnenah kalpui zel tura riahmanna siam a ni.

    No comments

    Post Top Ad

    Post Bottom Ad