• Breaking News

    Israel-in thlaah robot thawn dawn

    Israel chuan a vawi khat nan nimin khan thla-a kah kai turin satellite chu Florida a\angin an kap chhuak a. He satellite hi hlawhtling taka thlaa a \um chuan Israel hi khawvelah thla-a satellite \umtir thei ram palina a ni chiah ang.

    Israel-in thlaa a kah kai tur tak hi robot niin, ‘Beresheet” tih a ni a. Hei hi Hebrai hming niin, Bible \awngkam a ni a, ‘A tirin’ tihna a ni an ti.

    He satellite hi nimin khan California-a hmun nei, Elon Musk-a company SpaceX chuan Cape Canaveral Air Force Station a\angin an kap chhuak a ni.

    He satellite hi an tum anga a kal a nih chuan Beresheet hian kumin April thla laihawl vel hian thla (moon) leilung a rap thei dawn a. A kalkawngah hian vanthengreng-ah mel maktaduai 4 lai a thlawk dawn a. A thlawh chhung hian lei lam a\angin thunun zel a ni ang.

    Beresheet hi SpaceX rocket a\anga kah chhuah payload pathum zinga pakhat a ni a. Hemi rual hian Indonesia ram inbiak pawhna satellite leh US Air Force-ten experi-ment an tihna tur satellite-te pawh kah chhuah tel an ni bawk.

    Thla-ah hian US, Soviet Union leh China chiah an la \um a ni.

    No comments

    Post Top Ad

    Post Bottom Ad