• Breaking News

    IOC-in India a hrem

    International Olympic Committee chuan India chu Shooting World Cup-a tel tur Pakistan shooter pahnih  India rama luh phalna - Visa a pek duh loh avangin India chu hremin, India-in IOC event thlen a tum zawng zawng chu thlen a phalsak lo vek a. India-in infiammi tute pawh an rama luh a phalsak ang tih a sawi chian hma chuan infiamna association dangte pawh India rama infiamna lian nghat lo turin a ngen nghal bawk a ni.

    India hian Jammu and Kashmir Pulwama-a firfiak -ten CRPF sipai 40 zet an thah avangin Pakistan shooter pahnih hi visa a pe duh lo va. India chuan Kashmir beitu firfiakte chu Pakistan hian a thunun theih loh avangin Pakistan hi a dem hle a ni.

    Hetianga Pakistan shooter-te visa an pek duh loh avang hian IOC chuan Olympic charter thupui ber mai chu India hian an bawh chhia a ni tiin, inthliarna a awm a, infiamnaah politics a inrawlh a ni tiin India chu na takin an dem a ni.

    IOC chuan thuchhuah siamin, “He thil kan hriat veleh hian hma kan la a, a tawp thlenga India sorkar hruaitute nena kan inbiakna chuan awmzia a neih tak loh avangin IOC Executive Board chuan India-in infiamna hunpui dang thlen a tum zawng zawng chu thil theih a ni lo tih kan puang ta a ni,” an ti a. ‘India hian ziakin infiammite an ramah inthliarna awm lovin an luhtir ang tih an sawi hma chuan eng infiamna mah India ram chhungah hian nghah tawh loh ni se kan duh a ni,” an ti bawk.

    India hian nikum khan kum 2026 Youth Olym-pics, 2030 Asian Games leh 2032 Summe Olym-pics-te thlen tumin ruhman -na a lo siam tawh a, beisei a bo rih hle a ni.

    No comments

    Post Top Ad

    Post Bottom Ad