• Breaking News

    India leh US inkar a tha Hun dang zawng aiin indawr nasa

    India leh US inkar chu tunlai hian a \ha hle a. Hun dang zawng aiin India chuan US a\angin ralthuam leh ram venhimna lam hmanrua a lei nasa.

    US sipai lal, Admiral Phillips Davidson, Com-mander of the US Indo-Pacific Command (USINDOPACOM) chuan Senate Armed Services Committee-te hnenah, Congressional hearing laiin hemi chung-chang hi a sawi a. Nikum September thla khan India leh US chuan New Delhi-ah Communications Com-patibility and Security Ag-reement (COMCASA)  inremna an ziah thu a sawi a. Hemi hnuaiah hian India leh US chuan defence lama thawhdunna nasa zawk an neih theih phah a ni a ti.

    Davidson chuan, “US leh India inremna hi tun hma zawnga la awm ngai lo a ni a, tunah hi chuan ralthuam leh ram venhimna lama hmanruate inlei tawnna bakah thuruk inhrilh tawnna thlengin a huam tawh a ni,” a ti.

    Hemi bakah hian David -son chuan USINDOPA-COM chuan kuminah pawh khawvela democ-racy ram lian ber pahnihte thawh dunna chuan zauh lam a pan zel an beisei thu a sawi a. “Ram pahnihte hian khawvel puma remna leh muanna a awm theih an duh ve ve a, dan zawm kawnga  hmasawnna hmuh an duh ve ve a. Ralthuam tawlh rutute dan chah an duh a, puih ngaite puih an duh ve ve bawk a. Leilung chhiat-na a thlen tlem theih nana hma lak pawh an duh a ni,” a ti bawk.

    Kum khat liamta chhung khan US leh India sipaite chuan nunchan zirhona lian tham vawi 5 lai an nei a, sipai intlawh tawnna phei chu vawi 50 chuang an nei  hman hial bawk a ni.

    Davidson chuan India leh US inkara inhriatthiam na lian zawk a awm avang hian tunah chuan US siam ralthuam - P-8s, C-130Js, C-17s, AH-64s, CH-47s, leh M777 howitzers-te chu India hian an hmang tawh a ni tih sawiin, “Tun hnaia ralthuam inleina thuthlung an ziah thar, US dollar tluk lehdingawn 2.1 zet hmangin Idnia chuan thil hrang hrang atana hman theih, tuipuia \um chi MH-60R helicop-ter eng emaw zat a lei belh leh dawn a ni,” a ti bawk.

    No comments

    Post Top Ad

    Post Bottom Ad