• Breaking News

    India-in tank kahna lei dawn

    India chuan a sipaite ralthuam tha zawk pe zelin, tunah hian hmelma ram tank regiment-te laka lo invenna turin tank kahna tur bika siam missile lei a tum mek ni-a sawi a ni.

    India sipaite chuan France ram atangin tank kahna tur bika siam Milan 2 anti-tank guided missile chu 3,000 zet lei tumin ruahmanna an siam mek a. Heng missile lei nan hian cheng vaibelchhe sang khat chuang a ngai dawn an ti a ni.
    Defence Ministry official-te chuan missile leina tura ruahmanna hi sorkar thuneitute hnenah thlen a ni tawh tih an sawi a. Heng missile-te hi French company-te hnen atangin an lei ang a, India ram an rawn thlenpui hunah Bharat Dynamics Limited (BDL) chuan an lo rem khawm leh dawn a ni.

    Indian Army-te hian anti-tank guided missile (ATGM) ang chi hi 70,000 vel an mamawh niin sawi a ni a. A kah chhuah-na (launcher) pawh 850 an mamawh a. Indian Army-te hian third-generation ATGM, Milan-2T leh an neih sa Konkurs ATGM aia kap thui thei neih an tum mek bawk a ni.

    Nikum khan India spaite hian Israel hnen atangin Spike ATGM lei an tum a, mahse, Defence Research and Develop-ment Organization (DRDO) te chuan anmahni -in third-generation anti-tank missile hi siam chhuah mai theih an inrin avangin an lei leh ta lo a ni.

    No comments

    Post Top Ad

    Post Bottom Ad