• Breaking News

    India-in firfiakte a bei let ve ta Pakistan drone a kap thla bawk

    India chuan hman ni lawka Pakistan rama hmun nei firfiakten an beihna avanga CRPF sipai 40 aia tamin nunna an channa chu a thlawna a tawrh loh tur thu a lo sawi tawh a. A sawi ang ngeiin nimin khan firfiak awmna hmunah bomb a thlak a, Pakistan drone a kap thla bawk.

    The Indian Air Force (IAF) te chuan 1000-kilogram-a rit bomb chu dan pawna hnawl firfiak pawl - Jaish-e-Moham-mad-te hmun, Alpha 3 control room chu a thlak a, hetah hian firfiak 300 dawn an thi an ti.

    India info thlawhna - Mirage 2000 fighter jet 12 lai chuan nimin zinga dar 3:30 khan Line of Control (LoC) an pal tlang a, Bala-kot, Chakoti leh Muzaffa-rabad-a firfiakte camp chu an va bomb darh ta a ni.

    JeM firfiak pawl hi UN-in dan pawna a hnawl niin, Masood Azhar-a kaihhruai niin, Balakot bial hi an hmunpui a ni a. Anni bakah hian Muzaffarabad-ah hian dan pawna hnawl tho firfiak pawl Lashkar-e-Toiba leh Hizbul Mujahideen-te chu an inkulh bawk a. Hengho hian inbiak pawhna atana an hman, Pakistan awp chin Kashmir-a firfiakte inbiak pawhna hmunpui ber - Alpha 3 control room chu India thlawhna sipaite hian an bomb darh ta a ni.

    Hemi bakah hian Muzaffarabad-a firfiak pawlte camp hrang hrang leh an training-na hmunte chu nimina bomb thlak pawl hian an bomb chhe vek niin sawi a ni.

    Foreign Secretary Vijay Gokhale chuan nimin khan media-te hnenah India sipaite chet dan hi a sawi fiah a. Pakistan awp Kashmir-a hel pawl camp an bomb-sakte hi UN-in dan pawna a hnawl, kum 2001 a\anga tun thlenga kawng hrang hranga India tibuaitute an ni a ti a. He bomb thlak avang hian firfiak pawl mi tam tak an thi niin a sawi.

    Pakistan sipai thupuang tu pawhin IAF-te bomb thlak hi an hriat thu an sawi a, thi leh hliam an awm lo niin an puang thung a ni.

    Hetiang a nih lai hian India sipaite chuan Gujarat-a Kutch-ah nimin vek khan Pakistan enthlatu drone chu an kah thlaksak a. An kah thlakna hmun hi India leh Pakistan inrina hnai India ram lam Ambasa thingtlang khuaah a ni.

    No comments

    Post Top Ad

    Post Bottom Ad