• Breaking News

    Hulk Hogan lemah Chris Hemsworth

    Chris Hemsworth chu wrestling superstar Hulk Hogan-a nun behchhana film siam turah Hogan-a lema chang tura tih a ni.

    Hulk Hogan-a film tur hi director pahnih - Todd Phillips leh Scott Silver-te chuan an siam dawn a. Silver hi DC Comics movie tihchhuah mai tur - The Joker script writer a ni a. Hulk Hogan-a film thar tur pawh hi amah leh Stronger script writer John Pollono nena an ziah dun tur a ni.

    Hogan-a film siam chungchangah hian Netflix nen inremna an nei dawn mek a. Michael Sugar, Academy Award la thei Spotlight producer chu he film producer tur hi a ni dawn a. Ani hi Netflix nghen chhana siam Sugar23 streaming site neitu a ni a. Todd Phillips leh a thawhpui Bradley Cooper-te chuan Joint Effort banner hnuaiah co-producer an ni dawn a. Hemsworth leh Eric Bischoff-te pawh co-producer an ni ang.

    Wrestling khawvela pa langsar ber ti-a chhal ngam Hulk Hogan hi America ramah chuan TV-ah a chanchin hi kum 1980 chho a\ang khan tihchhuah a lo ni tawh \hin a. TV-a fakna lamah a hmel a lang awl lo va, video games thlengin a lang a ni.

    Hogan hi a hming tak chu Terry Gene Bollea niin, 1970 chho khan Florida-ah wrestling luh chilh \anin, Word Wrestling Federa-tion a luh chilh tirh chian Andre the Giant nen an inbei \hin a. Vince McMahon-a’n wrestling company hi a neih tak hnuah Hogan-a larna hi a zual zel a. 1980 chhovah chuan khawvela mi lar ber zinga mi a ni tawh a. America ramah phei chuan magazine cover-ah a lang awl lo va, zan lamah talk show-ah a lang a, Inrinni zing lam cartoon thlengin Hogan-a hmel ang a chhuak ta sup sup a ni.

    Kum zabi 21-na a lo ni a, Hogan-a larna chu a chuai chho ve tial tial a. Ring chhungah chuan la hmuh-nawm tho mah se, a mimal nunah harsatna a tawk chho a. radio-a thawk hmeichhe pakhat nena an sex tape chu a rawn lar a. He nu hi a nupui \hian \ha tak a lo la ni zui a. Buaina dang an neihah kum khat vel lai court-a an kal hnuah Hogan chuan thiam a chang a, dollar maktaduai  tam tak a dawng zui a ni.

    A biopic-ah hian hetiang buaina hrang hrang hi tihlan a ni dawn lo tih an sawi a. A film-ah hi chuan a rawn lar chhuah chhoh dan leh Hulkster leh Hulkamania chanchin deuh chauh tihlan a ni dawn an ti.

    He film-ah hian Hogan pawhin sawi ve neiin, consultant angin a awm dawn a ni.

    Hemsworth hi tunlai Hollywood star zinga luck ber pawl a ni a. Tunah hian nipuia tihchhuah tur Avengers: Endgame leh Men in Black: Internatio-nal te chu a chang zo tawh a, star lar ber zinga mi a ni

    No comments

    Post Top Ad

    Post Bottom Ad