• Breaking News

    Hmeichhe Inkhawmpui lian thlenna tur Pandal sak hna tan

    Nimin khan Presbyterian Kohhran Hmei-chhe Inkhawmpui lian vawi 48-na thlenna tur hmun Kolasib Diak-kawn field-ah pandal sak tan a ni.

    Pandal sak hnatlang ah hian hunserh tawi hman a ni a, Upa C.T. Mawia, Pandal Sub Committee Chairman-in kaihruaiin, Pastor Biaksailova, Organi-sing chairman in hun-serh a hman zawh hnuin Tawngtai rualna neih zui a ni.

    Pandal sak hnatlang ah hian Kolasib khaw chhung Pastor bial panga atangin pandal sa tur hian hnatlangpui koh a ni a, pandal hi a dung 240 ft leh a vang 180 ft a lian tur niin, mi 10410 vel leng thei tura ruahman a ni. Pandal Stage hi mi 450 thu leng tura ruahman a ni a, lamtual pawh ft 30 a zau a siam tum a ni a. Pandal sakna atan hian nuai 18 ruahman a ni.

    Pandal sak hna hi naktuk atangin nitin Kohhran pahnih inkawp -in hnatlang inchhawkin an nei ang a, Febuary thla chawhnu lamah chuan pandal hi sak zawh tum a ni. Presbyterian Kohhran Hmei-chhe Inkhawmpui lian hi March 8-10 ah neih a ni ang.

    No comments

    Post Top Ad

    Post Bottom Ad