• Breaking News

    Health Minister-in Kawnpui PHC a tlawh

    Kawnpui PHC
    Feb 25, 2019 zan khan Health & Family Welfare changtu Minister Dr. R. Lalthangliana chuan Kawnpui PHC a tlawh a, Damdawi In mamawh hrang hrangte sawiho a ni.

    Minister chuan Dam-dawi In Compound hung chu a ngaihpawimawh thu a sawi a, mimal leh vantlangin Damdawi In ram an nek loh nan Compound hi hung vat a \ul thu a sawi a. Official takin Reveneu Department-ah pawh Damdawi In ram teh fel a tul thu a thlen tur thu a sawi bawk a ni.

    Dr. R. Lalthangliana chuan sawrkar thar, ni 70 chauh Sawrkarna la chelh ni mah ila, theih tawpin hma kan la mek zel a, Tuirial bial pawh hi Opposition MLA hnuaia awm ni mahse sawrkara mamawh awm chu thlen zel turin a ti a, mahse khawtlang hruaitute an that a, mamawh sawrkar-a an thlen fova, an taimak phawt chuan Ruling MLA hnuaia awm aiin an che tha thei zawk daih a ni a ti.

    Damdawi In mamawh chi hrang hrang - X-Ray, etc., pawh a theih chin chinah lei belh zel a ni a, hei bakah hian Damdawi emergency-a hman tur awm tawh miah loh pawh eng emaw chen chu lei a nih tawh thu a sawi bawk a ni.

    Damdawi Ina thawktute chungchang pawh sawiin Thawktu indaih loh chu Zoram puma kan problem a ni a, chingfel turin theihtawp kan chhuah mek a, tin, kan sawrkar chhungin Doctor leh Staff Quarters sak vek kan tum a, Zoram hmun hrang hrangah a tahtawl zelin kan sa ang a ti bawk.

    Health Minister hi Dr Lalhlimpuia CMO leh MO Dr. Vanlalhruaia leh Staff ten an lo dawngsawng a, VCP - I Pu K. Lalhmachhuana, MNF Block President, North Group leh South Group President leh Unit President ten an tawiawm a ni.

    No comments

    Post Top Ad

    Post Bottom Ad