• Breaking News

    Harry Kane rawn let leh zanah Burnley-in Tottenham an hneh tlat

    Tottenham Hotspur
    Inrinni zan khan Burn-ley chuan English Premier League-a champion tum ngam zinga mi Tottenham chu an lo mikhual a, 2-1 in an lo hneh.

    He inkhelah hian Harry Kane chu inhliam avanga a chawlh hnuah a rawn kir leh a, goal pawh a khung a. Mahse, Spurs an chak phah chuang lo.

    Inkhelh zawhah Totten -ham boss Mauricio Poche -ttino chuan thinrim takin referee Mike Dean chu a chhuahchhal a. Burnley-in an goal hmasa zawk an khungna atana corner an hmuh chu replay-a a lan dan chuan goal kick tur ni ngeiin a lang a, kha kha Pochettino thinrimna chhan chu niin a lang a. Referee a chhuahchhal danah a ti lutuk deuh maithei tih sawiin, a \ul a nih chuan ngaihdam pawh a la dil maithei tih a sawi leh.

    Second half-ah Burnley tan corner sawisel hlawh tak an hmuh a\angin Chris Wood chuan a tauh goal a. Game 4-a goal 4 a khungna a ni ta.

     January ni 13 hnua a inkhelh lehna hmasa berah Spurs striker Kane chuan Danny Rose-a ball theh (throw-in) sawisel hlawh tak chu um zuiin goal a khung a. Spurs si phurh a sut a. Mahse, hun tawp dawnah Ashley Barnes chuan Burnley tak chakna goal a rawn khung a ni.

    Spurs hi pathumna an ni zel a. Liverpool leh Man-chester City aiin point 5-in an hniam mek a, Liverpool hi game khatin an khel tlem zawk a. Nizan khan Liverpool hi Manchester United nen an intum a, an chak chuan an inkar hi a zau leh sawt dawn a ni.

    Burnley hi 14-naah an kaisang a, relegation zone a\angin point 6 laiin an sang ta a, an him tih a la sawi theih loh va, point 30 an hmuhna chiah a ni.

    Spurs tan Kane a inkhel leh thei tawh a, goal pawh a khung a. Mahse, a awm loh laia goal khung ngar ngar Son Heung-min chuan goal a khung lo ve nghal ringawt thung.

    Burnley hi kuminah Premier League club zinga hneh loh nei lova la kal tluang club pahnih zinga pakhat an ni a, an home-ah phei chuan tawh khirh tak an ni.

    Inrinni zan Premier Legaue inkhel dangah Leicester chu an home-ah Crystal Palace-in 4-1 in an hneh a. Wilfried Zaha chuan gola hnih a khung. Leicester hi kum 19 hnuah game 4 an chak loh zawn lehna hmasa ber a ni a, match 6 chhung chu hneh-na chang lovin an kal tluang tawh a ni.

    Newcastle chuan an home-ah Huddersfield si hnih faiin an hneh a. Hudd-ersfield captain Tommy Smith chuan minute 20-na ah red card a hmu a. Newcastle tan Salomon Randon leh Ayoze Perez-ten goal an khung.

    Inkhel dangah Bournemouth leh Wolves te 1-1 in an in draw a. Wolves hi 8-na ni zelin, Bournemouth hian Everton lehpelin 10-naah an kaisang ve leh chiah bawk.

    No comments

    Post Top Ad

    Post Bottom Ad