• Breaking News

    Guwahati Airport Adani Group kutah

    Guwahati
    Sorkar laipuiin India ram thlawhna \umhmun paruk mimal kuta dah a tumna kal zelah Lokapriya Gopinath Bordoloi International (LGBI) Airport, Guwahati chu Adani Group-in enkawl tura an chhanna chu pawm a ni a. Guwahati Airport hi Adani Group hian kum 50 chhung an enkawl dawn ta a ni.

    Private kuta airport dah tumte hi Guwahati bakah  Ahmedabad, Thiruvanan-thapuram, Lucknow, Mang -aluru leh Jaipur-te an ni.

    Airports Authority of India (AAI) official-te chuan Adani Group-te hian Guwahati Airport an enkawl chhung hian pas-senger pakhat zelah thla khatah Rs. 160 zel sorkar hnenah share a pe ve dawn a, hei hi a chhangtu zinga sang ber a ni an ti.

    Private company-ten an airport enkawl duh an chhanna tura tih tur ruahman chu a zo ta a, tunah hian Cabinet meeting -in a pawmpui leh chuan private kutah hian heng thlawhna \umhmunte hi a awm tawh dawn a ni.

    Adani Enterprises Ltd hian airport parukte enkawl tumin an chhang vek a, anni bakah hian GMR group pawhin an chhang vek bawk.

    Tarlan tawh angin airport parukte hi company 10-in an chhang a, technical bid 32 a lut a. Heng zingah hian Italian company Autosrade leh Mauritius-a hmun nei I Invesments-te bakah Kerala state sorkar ten an bid ve bawk.

    Sorkar laipuiin a lo sawi tawh danin heng airport-te hi world class-a siam a nih theih nan private company kutah dah tumin hma lak a ni ta a, kum 2021 a\ang chuan private company kutah heng airport 6-te hi an awm vek tawh ang.

    No comments

    Post Top Ad

    Post Bottom Ad