• Breaking News

    Gujarat-ah Sakei an hmu

     Lunawanda
    Gujarat state-ah chuan kum 27 chhung keipui (tiger) hmuh a ni tawh lo va. Mahse, tunkar khan an hmu leh hlauh a, an lawm kher mai.

    Gujarat-a Mahisagar district-a Lunawanda ram-hnuaiah keipui hi hmuh a ni a. Heti a nih chuan Gujarat-ah hian sakei lam chi-a a chi lian pathum - sakeibaknei, keipui leh keitĂȘ-te an awm vek tihna a ni a. India ram state-ah sakei chi thum an awm vekna state awmchhun a ni ta a ni.

    Keipui hi Gujarat-a an hmuh hnuhnun ber chu Dangs forest-ah niin, 1989 daih  tawhah khan a ni a. KUm 30 vel zet chu hmuh tumin an bei a, Forest Department chuan nasa takin, camera \ha nen an bei a, an hlawhchhamah an inngai hman tawh a. Mahse, Thawhlehni khan Luwanda ramhnuaia zanah pawh thla la thei camera an kam chuan keipui thlalak hi a la fuh ta hlauh niin State Forest Minister Ganpat Vasava chuan a sawi a. He keipui hi kum sarih emaw, kum riat emaw vela upa niin an ngai a. Kum sawmthum dawn hnua Gujarat state-a keipui an hmu ta hi an lawm hle a ni.

    Vasava chuan, “Tunah chuan kan finfiah ta, keipui kum 7/8 vel chu Mahisagar district-ah kan hmu ta,” a ti a ni.   

    Minister chuan he keipui hi a mal a nih leh nih loh an la hriat loh thu sawiin, an \henawm state - Maha-rashtra, Madhya Pradesh leh Rajasthan a\anga rawn kal zawk pawh a ni thei tih a sawi a. MP sorkar chuan Ujjain forest-a an keipui pakhat chu a bo niin an sawi a ni awm e.

    Kar hmasa khan Lunawada block-a Boriya khuaah chuan zirtirtu pakhatin sakei hmuin a insawi a ni.

    No comments

    Post Top Ad

    Post Bottom Ad