• Breaking News

    Firfiak-ten IED hmanga an beihnaah CRPF 44 an thi, buaina a lian

    Nimin khan Jammu and Kashmir-a CRPF chuanna motor bomb )IED) hmanga beih a nih thu leh mi 26 an thih thu kan tarlang a. Kha thil thleng avanga thi zat kha nimin khan tichiangin, CRPF sipai 44 laiin nunna an chan a, mi dang eng emaw zatin hliam na tak an tuar bawk a. India ram enthlatu pawlte chuan he thil thlengah hian Pakistan puih firfiak an inrawlh ngei niin an hria a, Pakistan leh India inkar a \ha lo nghal khawp mai.

    Hetianga CRPF sipaite beihna thlen a hlauhawm thu hi intelligence-te chuan February ni 8 daih tawh khan CRPF hotute hnenah hian an lo hrilh lawk tawh a. Mahse, an inveng zo ta chuang lo a ni ber mai.

    Nimin khan Jammu and Kashmir hmun \henkhatah chuan mobile leh internet service chu tihtawp a ni.

    India ram hmun hrang hrangah hetianga CRPF-te beihna thleng hi an dem thu leh an duh lohna lantir a ni a. Jammu and Kashmir Pulwana district-a Ningani-a thil thleng hi tun hnaia firfiakte chetna lian ber a nih avangin ngaihven a hlawh hle a ni.

    Jammu and Kashmir-a \halai tam takte chuan nimin khan he inbeihna hi an dem thu sawiin, lungawi lohna an lantir a. Bhopal-ah pawh BJP worker-te chuan lungawi lohna lantirin, Pakistan an dem thu leh PM Narendra Modi chuan na taka Pakistan bei a, zirtirna pe turin an phut thu an sawi.

    Maharashtra, Uttar Pradesh, Rajasthan, leh Madhya Pradesh-ah te pawh he thil thleng duh loh lantirna hi hmun hrang hrangah neih a ni.

    Ningani khan CRPF convoy-te hi an kalna tur kawnga car chhunga IED dah hmangin beih an ni a. He bomb hi a thawk na hle a, sipaite hi hmun hla tak thleng an ruang a vawrh darh a, an chuanna bus pawh a chhe hneh hle a ni.

    He thil thleng hi Pakistan puih hel pawl - Jaish-e-Mohammad-te tih ni-a hriat a ni a. CRPF-te hi bus 78 zet inzuiin, sipai 2500 vel an kal a. Jammu a\anga Srinagar an pan laiin, Ladhu Modi Lethpora-ah, chawhnu dar 3:15 vel khan bomb hmanga beih an ni ta a ni.

    PM Modi chuan, “Kan sipaite nun hlanna hi a thlawnin a luang ral dawn lo,” a ti a. Nimin khan sipai lalte an \hukhawm nghal a. Hetih lai hian ram hrang hrangin India sipaite beihna hi an dem thu an sawi.

    No comments

    Post Top Ad

    Post Bottom Ad