• Breaking News

    Feb 25 - March 25, 2019 chhung Hortoki kawng zanah Road Block

    Kawnpui venglai Presbyterian Biak In bul
    Hortoki peng, K Venglai Presby Biak In bul
    Feb 21, 2019 khan SDO (C) Office-ah Pi  Lalhruaitluangi MCS, SDO (C) hovin Hortoki kawng siam mek chungchang Meeting neih a ni a, kawng siam hna chak zawka a kal theih nan leh a quality a \hat zawk nan Feb 25 - March 25, 2019 chhungin zan lamah Road Block siam nise tih a ni.

    He Meeting-ah hian SM Interior Pvt Ltd aiawh Supervisor  Pu Selzampuia chuan harsatna an tawh hrang hrang te a sawi a, Bill-ah buaina a awm avangin an Company hotute pawh an lo tel theih loh thu a sawi a, Pu Selzampuia hian mipui nawrna hi na viau lo se chuan Kawng siam hi hmanhmawh lo taka thawh a, nakum lama zawh daih nise a that zawk tur thu a sawi a, a bulthut (setting) a fel hmain a chunglam WBM phah chhunzawm zel a ngai a, chu chuan beisei angin a quality a ti \ha thei lo a ni a ti bawk.

    SM Interior Pvt Ltd hian Venglai Hortoki peng atangin Talan peng thleng Block topping hna hi an thawk dawn a, NF Railway-in 0.00 kmp - 12.00kmp an Station thleng an Blacktop dawn a, PWD ten 12.00 kmp - 18.00 kmp  Hortoki IB thleng an Blacktop mek bawk a ni.

    Meeting chuan SM Interior ten hna tak tak an thawh hun chhung atan an inhuam angin thla khat chung hun pek an ni a, hna an thawh hun chhung Feb 25 - March 25, 2019 chhung chuan zan dar 6:00 atanga zing dar 6:00 thleng Road Block an siam dawn a ni. Tin, Hortoki mipui Aizawl lama Bazar thin te tan Thawhleh zan leh Zirtawp zanah chuan dar 8:00-ah Road Block hi siam a ni ang.

    SDO (C) Pi Lalhruaitluangi MCS chuan hun bi neia hna thawk tur an nih avangin Emergency case a nih lem loh chuan mipuite Road Block siam zah sak turin a ngen a, Kawng \hatna tur leh a tlo zawkna tur a ni tih hriaa hrethiam turin mipuite min chah bawk a ni.

    He Meeting hian Road Block paltlang lui an awm a nih chuan Police lama hlan zel mai a \hat tur thu an sawilang bawk a ni.

    Meeting-ah hian Kawnpui VC-I atang Pu B Sakhawliana, VCM, Pu K Laldawngliana, VCP-II, Tv H Lalfakzuala VCP-III, Hortoki atang Pu Lalhruaitluanga, VCP leh Pu Remlalliana, VC Treasurer bakah SM Interior Pvt Ltd aiawh Pu Selzampuia, Supervisor te an tel a ni.

    Feb 1, 2019 khan bialtu MLA Pu Andrew H Thangliana chuan Hortoki kawng siam mek hi a lo tlawh tawh a, SDO (C) hnenah chak zawka hna a kal theih nan hmalakpui turin a lo ngen nghe nghe tawh bawk a ni. Tin, Pu J. Lalthafamkima, CO 1st IR Bn. Mualvum chuan MLA hnenah hian Kawng siam ven ngai leh duty a ngaih chuan Force lam pawh an inhuam thu a lo hrilh tawh bawk a ni.

    No comments

    Post Top Ad

    Post Bottom Ad