• Breaking News

    Fai Hnatlang nei

    VC-III Kawnpui
    Feb 15, 2019 khan Village Council - III Kawnpui huamchhungah Faina Hnatlang/Chhungkaw hnatlang neih a ni a, Pi Lalhruai-tluangi, MCS., SDO (C) hna-tlang te hi a hmunah tlawh kualin veng tina Sanitation Committee te nen an inkawm nghal a ni.

    Village Council - III leh Vengthar, Banglaveng leh Kanan Sanitation Committee te ruahmannaa Faina Hnatlang neihah hian SDO (C) Pi Lalhruaitluangi, MCS chuan kan la tih ngai loh thil tam tak kan ti thar dawn a, tunah rih chuan hrethiam lo tam tak la awm mahse, ngaia kan neih hunah chuan kan fai tawh dawn a ni a ti a. Sanitation Comt leh VCs ten veng tin atangin Budget an rawn siam ang a, chuta sum awm thei a zirin tender siam a ni ang a, Town huapin Lirthei hman bik neiin Bawlh-hlawh kan khawn tawh dawn a ni tiin veng tina Sanitation Comt din a nih chhan chu thla tin endiktu bik inruatin veng fai thlan a ni \hin dawn a, Chan-chinbuah tarlan thin a ni ang a ti a. A tawp lama lang ziah kan nih loh nan Committee ten theihtawp chhuaha \an kan lak a pawimawh dawn a, hei bakah hian Campaign/Awareness a ngaih pawhin sum ruahman a ni a ti bawk a ni.

    Faina Hnatlang-ah hian mi 130 vel an hnatlang a, phatna pe mi 290 an awm bawk a ni. Nimin hnatlangah hian National Highway kawng dung thenfai a ni a, zawh hman loh hmabak la awm te chu VC ten hlawhfa ruaiin an thawh chhunzawm dawn thu VCP Pu H. Lalfakzuala chuan a sawi a. Hei bakah hian VCP chuan Fai inzirtirna lam hawi Banner leh Signboard eng emaw zat tar an tum thu a sawi bawk a ni.

    Hnatlannaah hian SDO (C) chuan Sanitation Committee te chetvelna leh ruahmanna siamah puih theihna a neih chuan puih a inhuam reng thu a sawi a. SDO (C) hian nimin Kawnpui PHC pawh tlawhin MO Dr. Vanlalhruaia nen inkawmna an nei bawk a ni.

    No comments

    Post Top Ad

    Post Bottom Ad