• Breaking News

    Fashion designer lar Karl Lagerfeld a awm ta lo!

    Khawvela fashion designer lar ber tih ngam Karl Lagerfeld chu France ram khawpui Paris-ah hun rei lo te chhung a dam loh hnuah a boral.

    German designer hi Chanel and Fendi creative director ni lai a ni a. Fashion industry-a mi langsar ber zinga mi a ni a, a thih ni thlengin hna a thawk a ni.

    A tukkhuma a sam \awn kawh deuh vah a, tarmit dum vuah/bun deuh ra reng a nih avangin a kalna apiangah hriat hran a awlsam hle a. Khawvel hmun hrang hrangah a zin kual a, pa lar tak a ni.

    Fashion industry-a pa langsar leh mi lar tam takin an ui thu an sawi a. Chung zingah chuan Italian designer Donatella Versace  pawh a tel.

    Vogue magazine-a Editor-in-Chief Anna Wintour chuan, “Vawiin hian khawvelin mihring zinga palian leh langsar bik a chan a ni,” a ti.

    Lagerfeld hi a official website-ah chuan kum 1938 a piang niin a inziak a. Mahse, amah hre chiang inti tam tak chuan hei ai hian kum nga velin a upa an ti thung a. Eng pawh ni se kum 81-a upa chu a ni tawh reng reng a ni.

    Thla hmasa khan Chanel-in ‘Spting/Summer show’ an neihah a tel thei lo va, hemi hnu hian a hriselna chungchang hi sawi neuh neuh a awm nghal a. Thawh\an zan khan Paris-a damdawiin pakhatah dah luh a ni a, Thawhlehni zing khan a thi a ni.

    Chanel hausakna tipung a, tidanglamtu a ni a. Designer ropui niin, fashion khawvela hming lar berah Chanel chu a chhuah a ni.

    A hna lam lovah pawh pa \awng cheh ve tak a ni a, eng emaw chang chuan mipui nawlpuiin an ngei tur ang chi-a thu chhah chhuah a ching hle.

    Donatella Versace chuan Lagerfeld hi genius a ni tiin, mi tam tak nun khawih danglamtu leh mite nun fuih thotu a ni tiin a ui thu a sawi a. Wintour pawhin pa nelawm, a bula awm nuam, rilru \ha leh thil phal em em mai a ni tiin a sawi belh bawk.

    Supermodel Claudia Schiffer chuan, “Lemziak lama Warhol dinhmun ang chiah hi Lagerfeld hian a luah a. A hmun ruak hi hnawh khah chi a ni lo. Ani chiah hi a dum leh var rawng mawi tak anga chhuah thei awmchhun a ni,” a ti.

    Chanel chief executive, Alain Wertheimer chuan kum 1983-a Lagerfeld-a’n a zawm hnua hma an sawn nasatzia sawiin, “Karl hi a kum rualpuite aia hmalam thlir thiam zawk, amah en aia tunlai a ni. Amah avang hian Chanel hian khawvel pumah hlawhtlinna a chang thei a ni,” a ti.

    Hetia a thih takah hian a thachhang dawltu \hin Virginie Viard chuan Chanel-ah hian Creative chief hna hi a thawk chhunzawm dawn niin sawi a ni.

    Celebrity hrang hrang - Victoria Beckham, actress Diane Kruger leh model Gigi leh Bella Hadid -te pawhin Lagerfeld hi an ui thu an sawi a. US First Lady Melania Trump pawhin Twitter-ah White House-a a inlan hmasak bera a kawr hak, Lagerfeld -a deisgn-sak chu a pho lang a, Lagerfeld uina thu a post a ni.

    Lagerfeld hi 1930 chh =o khan Germany-ah lo piangin, a laiah hming chu Karl Otto Lagerfeldt a ni a. A hnuah a hming hi sumdawnna thila buaina a tawh \hin avangin Lager-feld tiin a thlak a ni.

    Rawlthar chhuak hlim a nihin Paris-ah a pem a, Pierre Balmain-a design assistant niin, 1960 chho ah chuan Fendi and Chloe ah a thawk tawh a. 1983 khan Coco Chanel thih hnuah French label Chanel chu a zawm a, hei hi a larpui ber a ni chho ta a, a thih ni thlengin a chhuahsan leh ta lo a ni.

    No comments

    Post Top Ad

    Post Bottom Ad