• Breaking News

    DC tharin charge la, etc.

    Kolasib DC
    DC  tharin  charge  la
    Nimin tlai khan Kolasib DC thar tur Pu Zoengsanga, MCS chuan Kolasib DC ni lai Dr Arun T hnen atangin charge a la.

    Kolasib DC ni mek Dr Arun T hi March 31, 2017 khan Kolasib DC ah awm tanin, kumin hi a kum hnihna a ni a. Mizoram sorkar thuchhuak angin nimin khan Pu Zoengsanga MCS hnenah charge hi a hlan ta a ni. Pu Zoengsanga, Kolasib DC chuan mawhphurhna sang tak ka kovah a awm dawn a, chuvangin mipuite thawhpuina leh tawngtaipuina ka mamawh dawn a ni a ti a. Pathian hruaina tel lo chuan engmah ka ni dawn lova, he hmunah hian Pathianin mualpho turin mih dah ka ring lova, min hruai thintu chuan min hruai zel ang tih ka ring a ni a ti bawk.

    Nimina charge inhlannaah hian Office hi Pathian duhdan anga kan kal theihna turin engmah kan tih hmain Pathian hnenah hlan hmasak a pawimawh tiin, Rev. Vanlalnun-mawia Jongte, Kolasib Hmarveng Presbyterian Kohhran bialtu Pastor-in DC thar leh Office Pathian hnenah hlanna a hmang a ni.


    Kum  5  hnuai  lam Aadhaar  siam  dan
    Social Welfare Deptt chuan naupang kum 5 hnuai lam Aadhaar enrolment chungchang mipui hriat tur thuchhuah an siam. Hming, nihna leh Pian kum thlak chungchang ah vawi khat chauh thlak phal a ni a. Vawi khat aia tam thlak duh chuan Regional Office Guwahati ah mahni ngei kal tur a ni an ti a. Heti chung hian kum khat aia kat hlat chuan thlak theih a ni lo an ti.

    Naupang kum 5 hnuai lam Aadhaar siam turte chuan  Nu leh Pa te Kutzia leh Mitnaute thla leh Kut ze thla lak neih tel tur a ni a; kum 5 an lo tlin hnu-ah anmahni ngei nihna hmangin update tur a ni an ti a. Kum 7 a nih thlenga update anih loh chuan Aadhaar chu hman theih a ni dawn lo a; cancelled a ni ang. Hetianga update anih hnu pawh hian naupang kha kum 15 a tlin hunah update nawn leh tur a ni bawk.


    Coordination  Committee
    Nimin khan Kolasib District Level Coordination Committee chu an chairman Vanlalfaka Ralte, SP hovin a Office Chamber-ah an thukhawm a, chak zawka ruihhlo do dan tur an sawiho.

    District Level Coordination Committee hi sorkar din niin SP chairman-na hnuaiah Asst Commissioner of Excise chu member secretary a ni a, member-ah hian police officer te, excise officer te leh Sub Hqrs YMA OB te an awm a ni. Ruihhlo (zu leh drugs) chungchangah chak zawka hmalak theihnan Joint Task Force din nghal a ni a, SDPO C Lalmalsawma chu Leader ah ruatin Excise Department leh YMA atanga aiawh ruatin anni hian a tul ang angin hma lo la mai se an ti a ni.




    Thlawhna  tirh  belh  dawn
    BJP Mizoram chuan Union Minister, Civil Aviation Minister hnenah Jet Airways in an service an tih tawp avangin mipui ten Thlawhna ticket kan indaih lo hle a; chuvangin Air India Service tirh belh turin an ngen a. Minister chuan March thla tir atangin Air India Service dang Aizawl to Delhi service tur leh Aizawl to Guwahati Service tur Thlawhna dang tirh belh an ni ang tiin a rawn hrilh.










    Fai  hnatlang
    Vawiin hian VC - III Kawnpui chuan an huam chhungah Fai hnatlang an nei dawn a; veng chhung tihfai ngai te an tifai ang. Pi Lalhruaitluangi SDO(C) Kawnpui chuan hnatlang hi telpui a tum a ni. Kawnpui VC - I chuan Thawhtanni hian hnatlang neih an tum thung.




    Kawng en
    Nimin khan Er. Sanghrima Chawngthu, CE PWD NH Division V hovin Pualreng Group YMA chuan Serkhan - Bagha Road kawng siam mek an enfiah. YMA hian ABCI kawng siam mek hi a tha tawk lo nia hriain PWD hotute nen hian kawng hi enho a ni a, PWD hotute chuan hmun danga hna an thawh \hin dan te sawiin, ABCI lam pawh \ha taka hna thawk turin an ngen a ni. Kawng ennaah hian Kawnpui PWD SDO Pu Lalchungnunga pawh a tel a ni.



    DFA aiawh turin Vengthar United
    Kolasib District FA chuan nikum DFA champion Vengthar United chu MFA Cup-a District aiawh turin a thlang. MFA Cup hi kumin March atanga khelh \an tur a ni.



    Zodintluangan  MNF  Sawrkar  sawisel
    Minister hlui Pu Zodintluanga MLA chuan ‘MNF sawrkar chu ‘Zawngte Khuang nei ang mai an ni a, a hman hmanin an beng a, an duh duh an puang a, a hman hman an che pap pap a, rei loteah insawifiah theihrual lohin an buai vat ang’ tiin nimina Congress Party MP Election chungchang thlirna-ah a sawi. Pu Zodintluanga chuan MP Election lo awm turah hian Congress party chuan chak ngei an tum dawn a ni a ti a. CAB chungchang sawiin ‘Mizoram sawrkar chu BJP laka tlaktlum loh hlauh vangin mipui beisei leh duh ang pawhin an che ngam lo a ti.





     

    MNF  Party-in  lawmthu  sawi
    MNF Party chuan thuchhuah siamin Rajya Sabha ah Citizenship Amendment Bill 2016 pass a ni ta lo chu lawmawm an tih thu an sawi a. An thuchhuah ah chuan Mizo mipuite kan tanrualna leh North East ang a thukhat vuaa kan tan tlanna leh kan tawngtaina Pathianin mal a sawm a, hnehna kan chang a ni an ti a.

    CAB hi Union Home Minister chuan Rajya Sabha ah put luh tum anih thu a sawi a; mahse Rajya Sabha inkhawm chu nimin khan CAB pulut lovin tiam chin awm lova tih tawp a ni.

    Tuna BJP Sawrkar kal mek ah hian Parliament Session dang awm hman tawh lo tura ngaih a ni a. MP Election neih hnu-ah Parliament Session neih a nih chuan he Bill hi Lok Sabha atanga bul tan that leh a ngai dawn a ni.

    No comments

    Post Top Ad

    Post Bottom Ad