• Breaking News

    Clay Court-ah Federer

    Roger Federer chuan kumin clay-court season-ah a inkhelh dawn thu a sawi.

    Federer hian kum hnih chhung chu clay-court season chhung hian tennis a khel lo tawh a. Clay-court-a inkhelh chu a chak tawh thu a sawi.

    Grand Slam-a vawi 20 champion tawh Federer hiaan kum 2016 Italian Open khelh zawh hnu khan clay tournament a la khel leh miah lo.

    Kum 37-a upa Federer hi kum 2015 French Open ah khan a hnampui - Stan Wawrinka chuan a hneh a, khami hnu khan French Open a khel leh tawh lo a. “Tunah hi chuan hlimna ka zawng tawh a ni ber mai,” tiin Australian Open-ah Stefanos Tsitsipas a hneh loh hnuah a sawi a. “Nuam ka tih lam lama khelh hi ka duh a ni ber mai a, chawlh vang vang a, khawiah emaw champion tum ngawr ngawr kha ka ni tawh lo,” a ti bawk.

    Kum 2017 khan a chawlh hnuah Australian Open-ah a rawn champion a, a champion hnu lawkah kum 24 mi a nih tawh loh thu sawiin, French Open a khelh dawn loh thu a puang a. Kuminah erawh Austra -lian Open atangin a tla a, French Open khelh a tum thu a sawi nghal thung.
    Federer hi Australian Open zawha ATP rankings tihchhuah a nih hunah chuan tlahniam hretin, world no 6 emaw, 7 emaw a ni tawh ang.

    No comments

    Post Top Ad

    Post Bottom Ad