• Breaking News

    City leh Spurs an chak; Premier League chunglam a ngai..

    Chawlhni zan Premier League inkhelah champion lai Manchester City chuan si thum faiin manager nei lo Huddersfield an hneh a, hmahruaitu Liverpool aiin point 4-in an la hniam zel.

    Terriers (Huddersfield sawina) te hi an manager David Wagner chuan Thawh\anni khan a chhuah -san a, tunah hian Mark Hudson chu manager lailawk a ni mek a. Table mawngphah an ni.

    City hian an game hnuhnung vawi 3-ah goal 19 an khung a, table mawng phaha awm Terriers lakah han an khung leh \euh a rinawm a, mahse, John Smith’s Stadium-ah hian goal an khung tam hleithei lo va. Minute 18-naah Dani -lo long shot chu Christo-pher Schindler chuan an lamah a dang goal a. Second half-ah Leroy Sane chuan Raheem Sterling a siamsak hnuah goal khat a khung a, a bak goal dang an khung belh thei lo.


    An khel \ha tehchiam lo naa, City chu Liverpool umtu hnai ber an ni zel a. Hetih lai hian Huddersfield hian Borussia Dortmund coach Jan Siewert an be mek a, an duh ang emaw!


    Huddersfield hi an game hnuhnung vawi 10-ah vawi 9 an chak lohna a ni a. Hetih lai hian City erawhin tun season-a inelna hrang hrangah goal 100 khung pel tawhin, Liverpool an chet chhiat hun changin an chak ve zel a ngai a ni.


    Pep Guardiola chuan, “Kan khel \ha lo va, goal thum aia tam khung kha kan phu lo. Kan insiam \ha ang,” a ti a. “Liverpool an chak chuan kan chak a ngai a, an chak loh pawhin kan chak a ngai a ni,” a ti a; an dinhmun a hre chiang khawp mai.

    Hudson chuan Terriers hi a duh danin a khelhtir a, Wagner-a game hnuhnung bera first 11 a\angin player 5 a chhawk a. “Kan lamah ti-goal palh lo ila chuan kan zia viau ang, kha goal vang khan result a danglam a ni,” a ti.

    London derby-ah Tottenham Hotspur chuan away-ah Fulham chu 2-1 in an hneh a. Spurs hian hun pek belhah chakna goal an khung a, an vannei.

    Fernando Llorente chuan an lamah ti-goal palhin Fulham-in minute 17-naah hma an hruai a. Second half-ah Dele Alli chuan an si phurh a sut a. Hun pek belh, minute 93-naah Harry Winks chuan tauh lutin chakna goal a khung a, Fulham an vanduai hle. Hemi hma lawk hian Alli chu a malpui tha na avangin lak chhuah a ni nghe nghe.

    Fulham manager Claudio Ranieri chuan, “Kan dinhmun a chhe hle. Kan khel \ha a, kan vanduai a ni. Hun rei lo teah kan chak chho ang a, a him chinah kan awm thuai ang. Kan inlungrual a ngai a, player rawn lût thar tur pawhin min lungrualpui ka beisei a ni,” a ti.

    Table-a 3-na ni mek Spurs hi 4-na Chelsea aiin point 4-in an sang zawk a, 5-na leh 6-na Arsenal leh United aiin point 7-in an sang zawk mek a ni.

    No comments

    Post Top Ad

    Post Bottom Ad