• Breaking News

    China-in India ram hnaihah a sipai hmun a zauh zel

    China chuan Tibet-ah a sipaite a dah belh sauh sauh a. Tunah hian India ram nena an inrina laiah sipai hmun a zauh belh zel an ti.

    China ram sipai - People Liberation Army (PLA) te chuan Tibet-a Gongga airport chu tunlai hian an tilian mek a. Goggan hi India ramri nen a inhnaih hle a ni.

    China hian Tibet ram chhim lama hmun thum - Burang, Lhunze leh Tingri-ah airport siam thar a tum mek bawk a. Hetianga airport a siam thar tur hi 3 a ni a, a tihlen mek pakhat a nih bawk avangin tunah hian China chuan  '3+1 project' a kalpui mek a ni.

    He 3+1 Project-ah hian China chuan dollar tlukleh-dingawn 2.6 lai a ruahman a, kum 2021 (nakkum kum leh) a zawh hman tur a ni a. A sum dah hnem dan ngaihtuah hian a ti mai mai lo hle tih a hriat.

     India leh China te hi Doklam-a an inep hnu khan an inkar a \ha chho deuh ni-a ngaih a ni a. Mahse, China chuan India ramri-ah dinhmun a sawh nghet sauh sauh thung a ni.

    Hetih lai hian India ram defence mnistry-a hnathawk pakhat chuan, “Tibet-a thil awmdan mek hi kan hria,” a ti.

    Hetianga China PLA-ten ramri-a an inkulh ngheh zual zel lai hian China chuan Arunachal Pradesh a\anga KM 900 vela hla, Yuxi bialah guided missile a bun tlut tlut mek niin sawi a ni bawk a. He missile hi '622 Missile Brigade' a ni an ti a. Hmun hla tak kap pha tur a ni a, India tan a hlauhawm hle dawn a ni.

    China hian missile a ngah hle a. KM 250 thleng kap pha a\anga KM sang engemaw zat kap pha a nei a ni.

    Hetih lai hian PLA te hian Ladakh-a Pangong Tso dil-ah an sipaite an duty-tir an ti bawk a. Heng sipaite hi tui lam thiam bik - special water squadron, ‘Zhong Dui’ an tihte an ni a. High-speed boat an keng a, lawng pakhatah hian sipai 5-7 zel an chuang thei a ni.

    Hetih lai vek hian Doklam buaina a awm hnu kha chuan India leh China inkar hi a \h ahle a, Border Personnel Meeting  pawh regular takin an nei \hin.

    No comments

    Post Top Ad

    Post Bottom Ad