• Breaking News

    China-ah Sridevi film

    'Mom'
    Bollywood hmeichhe star zinga langsar ber ti-a sawi ngam, boral tawh Sridevi film channa hnuhnung ber ‘Mom’ chu kumin March ni 22 hian China ramah tihchhuah tum a ni a. India ram leh China rama film lam buaipuitute ngaihven a hlawh hle.

    Srivevi hian a thih hnuah pawh chawimawina a dawng mawlh mawlh a. China rama a film tihchhuah a nih hunah pawh a hit hle tura ngaih a ni.

    China rama Mom tihchhuah tum a nih thu hi India ram film critic leh trade analyst Taran Adarsh chuan Twitter-ah post siamin a puang a. He film hi Zeew Studios Internatio -nal-in an theh darh niin, thla thar ni 22-ah hian China ramah tichhuah a ni a, China rama an tar tur poster pawh Twitter-ah hian a post bawk.

    He film hi phuba lakna film niin, Sridevi chu he film-ah hian lalnu ropui tak angin a chang a. Mahse, khawtlanga sualna leh thil dik lo hrang hrang avangin a rilru a dik lo va, chumi avang chuan buaina nasa tak a chhuak ta tih vel a ni a, a hmuhnawmin a ngaihnawm tel niin an sawi.

    He film hi revenge drama niin, Ravi Udyawar  hova tihchhuah niin, Sridevi bakah hian India ram lemchan huanga mi lar tak tak dang - Akshaye Khanna leh Nawazuddin Siddiqui-te bakah Pakistan lemchan thiam Adnan Siddiqui leh Sajal Aly te chu part pawimawh latu an ni a. India ramah kum 2017 July ni 7 daih tawh khan tihchhuah a ni a, China-ah an la tichhuak ve lo a ni.

    No comments

    Post Top Ad

    Post Bottom Ad