• Breaking News

    Chelsea-in manager thu hnialtu goalkeeper Kepa an hrem

    Chelsea Goalkeeper
    Chelsea chuan Chawlhni zana Carabao (League) Cup final-a Manchester City an hneh loh \uma manager-in thlak a tum a a duh loh avangin an goalkeeper Kepa Arrizabalaga chu hremin, a kar khar hlawh an chawitir.

    League Cup final-ah khan Kepa hi Sergio Aguero goal khung tur a lo danna lamah a inhliam niin a lang a. Manager Mauri-zio Sarri chuan thlak a tum a, fourth Official-te pawhin thlak tur a nih thu an tar chhuak tawh a; Willy Caballero pawh a rawn inlan tawh a. Mahse, Kepa hian a la khelh theih thu a sawi a, a chhuak duh lo va, an chak lo zui a, Sarri a thinrim hmel hle a ni.

    Sarri hian inkhelh banah Kepa hi a inhliam ni-a a ngaih thu a sawi a, khatiang thil thleng kha inrhiat pawh tawnna awm lo thil thleng lian tak a ni tiin a sawi a, comment dang a nei lem lo.

    Thawh\anni khan Kepa chuan Sarri, a \hiante leh Chelsea fan-te lakah ngaihdam a dil thu a sawi a. Hei hian Chelsea hremna a pumpelhtir ta chuang lo va. A kar khat hlawh an chawitir a, a pawisa chawi hi Chelsea Foundation sumah a lut dawn a ni.

    Kepa chuan, “Inhriat thiam lohna lian tak a awm tih ka hria a, ka tisual a ni. Coach leh Willy lakah ngaihdam ka dil a, fan-te chungah pawh ngaihdam ka dil a. He thil thleng hi inzir nan ka hmang ang a, club-in ka chunga hremna an lek ang ang pawh tuar turin ka inpeih a ni,” a ti.

    Kepa Arrizabalaga hi Chelsea-in nikum nipui laia an lei kha niin, Euro maktaduai 80 man a ni a, khawvela goalkeeper man to ber a ni.

    Sarri pawhin Kepa hi a biak tawh thu leh a hnenah ngaihdam a dil tawh thu a sawi a. “Club chuan a chungah hremna an lek dawn a, keimahah chuan he buaina hi a tawp tawh e.

    “Kha inkhelah khan kan khel \ha a, chutih laia he thil thleng mawi lo takin kan zavaia kan khelh \hat a hliah khuh hi a zahthlak khawp mai. Tunah chuan kan game khelh leh tur kan ngaihtuah tawh a, he buaina hi chu kan hnu-chhawn tawh ang,” a ti.

    Chelsea hian Premier League match-ah tun Ningani hian Tottenham Hotspur chu Stamford Bridge-ah an lo mikhual dawn a. Hetah hian Kepa hi Sarri hian a first-tir ang em tih chu zawhna ni.

    No comments

    Post Top Ad

    Post Bottom Ad