• Breaking News

    Chelsea-in Malmo an hneh hram

    Chelsea chuan Europa League last 32 first leg inkhelah Sweden club Malmo chu 2-1 in an hneh hram.
        Ross Barkley chuan Pedro-a cross chu hnai set sawtah ti-goal-in first half-ah hma an hruai a. Second half-ah Olivier Giroud chuan Chelsea goal hnihna a kheng lut leh a. Hun tawp dawnah Malmo tan Anders Christiansen chuan goal khat khungin, hun tawp lamah Chelsea an tal buai teuh hle.
        Chelsea manager Maurizio Sarri chu pressure lian tak hnuaiah a awm mek a. Mahse, Manchester City laka si ruk faia an chak loh hnua Europa League-a an chakna hian a laka pressure rit lutuk chu a tikiang hretin a rinawm.
        Chelsea hi tun season Europa League-ah hneh loh nei lovin an kal tluang a. Karleh Ningani hian last 32 second leg chu Stam-ford Bridge-ah an khel dawn a, chak ngei tura rin  leh beisei an ni.
        Chelsea hi Premier League-ah parukna an ni mek a, hmahruaitu Man-chester City aiin point 15-in an hniam tawh zawk a. Malmo lakah hian chak lo lehzel phei se chuan Sarri  dinhmun hi a ngaihtuah-awm ngawt ang. Mahse, an chak hlauh a, a dinhmun a \ha leh hreta ngaih a ni.
        Hetihlai hian Malmo lakah pawh Chelsea hi an game a nghet lo hle a. Inkhelh \an tirhah Malmo hian corner vawi hnih an hmu nghal ringawt a. Mahse, Chelsea an insiam \ha a, player nei \ha zawk an nih a lang chho zel a. Goal hnih an khung hnuah hun tawp dawn hnaihah erawh Malmo hian an rawn nawr nasa hle a, goal pawh an rawn khung a. Hun pek belhah pawh an si phurh an rawn sut teuh hle a ni.
        He inkhelh hma hian Sarri chuan chak an mamawh tih a sawi a, an mamawh ang ngeiin an chak ta a ni.
        An inkhelh hma khan Malmo coach Uwe Rosler chuan an team chu pound maktaduai 80 vel hu chauh an nih laiin, Chelsea chu maktaduai 450 hu an ni tih  sawiin, City laka an chak loh phuba lak an duh dawn a, an hlauhawm hle ang tih a sawi lawk a. Mahse, rinai tak chuan Malmo hian an chelh thei a ni.
        Tun season Europa League-ah hian Chelsea striker Giroud hian goal 5 a khung tawh a. Europa League-ah hian goal a khugn thei khawp mai.
        Sarri chuan inkhelh banah, “An game a rothap hle a, chuti chung chuan kan khel \ha a, set-piece-ah kan buai deuh tih loh chu inkhel kan thunun a, goal hnih vel chu khung belh thei kan ni. Inrintawk-na nen kan khel thei a ka lawm a. Kan match hnu-hnung bera kan chak loh dan en kha chuan kan khel \ha khawp mai. Hun tawp dawnah, kan tihsual pakhat vangin goal kan chhuah a, khatiang kha chu a awm ve reng \hin a. Inkhelh lehah last 16 kan lut thei dawn niin a lang,” tiin a sawi.


    Bate lakah Arsenal an tlawm

    Europa League last 32 first leg inkhelah Arsenal chuan Bate Borisov an hneh lo va. Alexandre Lacazette chu hnawh chhuah a ni zui.
        Bate tan he inkhela goal awmchhun hi Stanislav Dragun chuan half-time hma deuhin a khung a. Hemi hma hian Lacazette hian goal a khung a, mahse, an pawmsak lo a. Laca-zette hi minute 85-naah Aleksandar Filipovic a nghawk avangin hnawh chhuah a ni.
        Bate hian an home-a European competition match an khelhah English club an la hneh ngai miah lo va, Arsenal laka hnehna an chan hi a vawi khatna a ni a. Belarus champion niin, karleh Ningani-ah Emirates Stadium-ah goal khat nei sain an leng dawn a, Arsenal hian an lehthal thei ang em?
        Arsenal hian Ningani zan inkhelah hian bul an \an \ha a, mahse, a tir lam an khel \ha tih bak chu han chhuan tur an nei lem lo va. Ball an chang hnem a, 77% zet an chang chungin goal zawnah vawi thum chiah an shot thei a ni.
        Arsenal hian Europa League group game hnuhnung berah FK Qarabag hnehin, khatih lai khan inelna hrang hrangah game 22 chhung hneh loh nei lovin an kal tluang a. Mahse, khami hnu khan game 13 an khelhah vawi 6 an chak lo tawh a. Second half-ah an top scorer Pierre-Emerick Aubameyang leh January thlaa an lak luh Denis Suarez-te an luhtir chungin  goal an khung thei chuang lo va. Away game an khelh hnuhnung vawi 8-ah vawi 5 an chak lohna a ni ta.
        An vanduaina tizual turin an striker \ha Laca-zette  chu hnaw chhuah a la ni zui a, second leg-ah a khel ve thei dawn lo a ni.

    Europa League Results
    THURSDAY 14TH FEBRUARY 2019
    BATE Borisov 1-0 Arsenal
    FK Krasnodar 0-0 B Leverkusen
    Galatasaray 1-2 Benfica
    Lazio 0-1 Sevilla
    Olympiakos 2-2 Dynamo Kiev
    Rennes 3-3 Real Betis
    Rapid Vienna 0-1 Inter Milan
    Slavia Prague 0-0 KRC Genk
    Celtic 0-2 Valencia
    Club Brugge 2- 1 RB Salzburg
    Malmö FF 1-2 Chelsea
    Shakhtar Donetsk 2-2 Frankfurt

    No comments

    Post Top Ad

    Post Bottom Ad