• Breaking News

    Chelsea an chak; Sarri lakah pressure a tlem sawt

    Chelsea chuan Europa League last 32 inkhelah Malmo chu 3-0 a hnehin, first leg-a 2-1 a an chakna nen, 5-1 in an chak a, last 16 an lut a. Chelsea coach Maurizio Sarri lakah pressure a tlem leh deuh sawt dawn a ni.

    Stamford Bridge-a inkhelah Callum Hudson-Odoi chuan second half-ah goal hnih a khung a. Hemi hma hian Olivier Giroud  chuan goal hmahruai a khung a ni.

    Kum 18-a upa Hudson -Odoi hi Chelsea hian an chhawr mang lo va, mahse, tun hnaiah club dangin an duh thu an sawi tak sap sap avang nge, a player dangte lakah beiseina a chuai tih a hriat loh va, Sarri chuan a rawn chhawr a, a tifuh.

    Hetih lai hian Carabao Cup final-ah Manchester City an tum leh dawn a, chumi zawh chiahah chuan Premier League-ah an chunga awm tawh Totten-ham an tum leh dawn a. Hetah hian Chelsea leh Serri dinhmun dik tak chu a lang chho dawn a ni.

    Chelsea hian goal thum an khung naa, Europe -a team \ha pawl ni ngai lo Malmo laka an khelh danah lung a awi kim lo maithei a. Malmo hi an inveng \ha a, an tlar hnungte chu centre hnaih lamah an rawn tawlh chho va, hei hian nasa takin Chelsea a nawrtir a, Chelsea pawhin duh angin ball an chang tam thei lo.

    Mahse, Sarri-a duh danin Chelsea an khel chho zel a, ball an chang hnem tial tial a, Malmo hian Chelsea angin player an nei \ha lo tih a lang zel bawk a. First half-ah goal a lut lo naa, second half-ah chuan Malmo keeper Johan Dahlin chuan a dang seng ta lo a ni ber mai.

    Bench-ah Eden Hazard a \hu a, Hudson-Odoi chuan Stamford Bridge-ah ro a rel a ni ber a. FA Cup fourth round-a Nottingham Forest an khelh khan Hudson-Odoi hian a start a, khami hnu khan Chelsea tan a start leh lo a, a chance neih erawh a hmang \angkai hle a ni.

    Sarri hi Chelsea-in an duh khawp lo viau naa, a nihna takah chuan a che chhe tehchiam lo va. Chelsea tan match 43 a khelhpui tawhah match 28-ah hnehna a chang a. Vawi ruk a draw a, vawi 9 a chak lo thung a. Kan sawi vul chuk Pep Guardiola pawh hian Manchester City tan match 43 a khelhpui lai khan match 27 a chakpui a, vawi 9 a draw a, vawi 7 a chak lo a ni.






    Arsenal - Europa League last 16 an lut

    Arsenal chuan first leg-a si khat faia an hneh loh tawh Bate Borisov chu Emirates Stadium-ah lo mikhualin, Ningani zan khan 3-0 in an lo hneh a. Vawi hnih khelha score belh khawm (aggregate score) ah 3-1 a chakin Europa League last 16 an lut ta.
        Inkhelh \an a\anga minute 4-na lekah Pierre-Emerick Aubameyang-a cross chu Bate defender Zakhar Volkov chuan an lamah a dang goal palh a. First half tawp hmain centre-back Shkodran Mustafi chuan Granit Xhaka corner pet chu a tauh lut leh a. Second half-ah substitute Sokratis Papastathopoulos chuan goal thumna a tauh lut leh  bawk a ni.
        First leg-ah khan an chak loh avangin Arsenal hian chak tur chuan goal hnih an khung ngei ngei a, Bate hi goal an khungtir loh a ngai a. Bate hian goal an khung teuh ve thei khawp mai a. Si an phurh hnu lawkah Stanislav Dragun chuan a tauh goal tawh emaw a ti a, mahse, Arsenal defender Stephan Lichtsteiner chuan line-ah a lo dang hman.
            Ningani zan inkhel hi tlai dar 5:55 ah an \an a, hei hi Arsenal fan-te chuan hma an tih thu an sawi a. Inkhelh \an tirh lamah chuan entu pawh an awm vak lo. Inkhelh tawp lamah erawh an khat leh viau tawh thung a. Arsenal boss Unai Emery chuan a team-te chuan an khelh dan an tidanglam dawn tih a sawi a, a sawi sual lo. Arsenal khel a hmuhnawm hle.

    Europa League result
    THURSDAY 21ST FEBRUARY 2019
    Arsenal 3-0 BATE Borisov (Agg 3-1)
    Valencia 1-0 Celtic (Agg 3-0)
    Chelsea 3-0 Malmö FF (Agg 5-1)
    Dinamo Zagreb 3-0 Viktoria Plzen (Agg 4-2)
    Frankfurt 4-1 Shakhtar Donetsk (Agg 6-3)
    RB Salzburg 4-0 Club Brugge (Agg 5-2)
    Napoli 2-0 Zürich (Agg 5-1)
    Villarreal 1-1 Sporting (Agg 2-1)
    Zenit St Petersburg 3-1 Fenerbahçe (Agg 3-2)
    B Leverkusen 1-1 FK Krasnodar (Agg 1-1)
    FK Krasnodar win on away goals
    Benfica 0-0 Galatasaray (Agg 2-1)
    Dynamo Kiev 1-0 Olympiakos (Agg 3-2)

    No comments

    Post Top Ad

    Post Bottom Ad