• Breaking News

    Chandrababu Naidu’n chaw a nghei

    Andhra Pradesh Chief Minister leh Telugu Desam Party (TDP) hotu N Chan-drababu Naidu chuan nimin khan Delhi-a Andhra Bhawan-ah an state tana special status ngiatin ni khat awh chaw ngheia \hut hun a hmang.

    Nimin zing khan TDP hotupa Naidu hian Mahat-ma Gandhi thlan, Rajghat-ah zahna entir nan pangpar a dah a. Zing dar 8 a\ang khan Andhra Bhawan-ah hian chaw a nghei ta a. TDP MP leh an party worker eng emaw zatin an \awiawm a ni.

    Naidu-a’n 'Dharma Porata Deeksha' (ni khat awh dikna chanvo duhna avanga lungawi loh lantirna) a neihnaah hian TDB Mnister, MP, MLC leh an party MLA te bakah worker dangte paw h an tel ve a. Nizan dar 8 khan a chaw nghei hi duhtawkin, President Ram Nath Kovind hnenah vawiin hian memorandum a theh lut dawn a ni.

    Andhra Pradesh CM Naidu hian Prime Minister Narendra Modi chu roreltu \ha lo a ni a ti a. “Prime Minister chair-a \hu tur mihring chuan lal thinlung a pu tur a ni a. Prime Minister kan neih tawh dangte khan nang anga do rawn hi an hlawh miah lo. Nang chu kan do rawn sup sup che a, hei hian roreltu \ha lo i nihzia a lantir a ni,” a ti.

    Naidu chuan PM chu na taka sawiselin, state a tlawh dawn chuan Chef Minister a hriattirin, a rawn \hin tur a ni tih a hrilh a. “PM state-a a kal dawn chuan CM a rawn hi tihdan mawi a ni a, sawmnaah pawh CM hi telh ve a \ha. Mahse, nang chuan i rilru chhiatzia lantirin  state hruaitu i kal kan lui a, i \hat lohzia hi i thu sawiah pawh a lang a ni,” a ti hmiah hmiah mai.

    Kum 2013 October thla khan Naidu hian Andhra Pradesh a\anga state dang a pian chuan state pahnihte chuan ham\hatna inang an nei tur a ni tiin Andhra Bhawan-ah hian chaw a lo nghei tawh a. Ni nga chhung chaw a nghei hnuah  damdawiinah dah luh a ngai hial a. Nikum April ni 20 khan a pianchamah an state tana special status ngiatin chaw a nghei  tawh bawk.

    Naidu-a party, Telugu Desam Party hi NDA-a tel niin, sorkar laipuiin Andhra Pradesh chu special status a pek duh loh avangin nikum khan NDA a\ang hian an inhnuk dawk tawh a. Chawlhni khan PM Modi chuan Naidu chu beiin, hnung lam a\anga mi beih ching, mipuite duhthu-sam tihchhiatsak \hin tiin a sawi a ni.

    No comments

    Post Top Ad

    Post Bottom Ad