• Breaking News

    CADC tan thuneihna sang zawk

    kawnpui chanchinbu
    Prime Minister Narendra Modi hova Union Cabinet thukhawm chuan Nilaini zan khan Hmarchhak state, Sixth Schedule-in a huam hova Autonomous Council hrang hrang hnena thuneih-na sang zawk pek an ni se tih an rel.

    Union Cabinet thurel chungchang hi Home Minister Rajnath Singh chuan puangin, India ram danpui Article 280-na leh Sixth Schedule chu siam thain, Assam, Meghalaya, Mizoram leh Tripura-a Autonomous District Council-te hnena thuneihna sang zawk pek an nih tak thu a puang a. Hemi hmang hian heng ADC-ah te hian village council leh municipal council din tur a ni tawh dawn a. Heng ADC-ten sum an hman tur pawh Finance Commission-in a hranpain an ngaihtuah dawn a, sorkar laipui chuan sum tam zawkin a tanpui dawn niin a sawi bawk a ni.

    Hemi bakah hian ADC-a village leh municipal council inthlante chu State Election Commission-in a buaipui dawn a. He dan siam thar hi sorkar laipui leh Assam leh Meghalaya state sorkar bakah United People’s Democratic Solidarity(UPDS), Dima Halam Daogah(DHD) and Achik National Volun-teers’ Council(ANVC)-te nena inhriatthiamna thu-thlung (MoU) an ziah behchhana duan a ni tih a sawi bawk.


    No comments

    Post Top Ad

    Post Bottom Ad