• Breaking News

    CAB putluh thu hriat a awm rih lo - MP; Vawiinah Protest Day

    Kawnpui Dt. 12th Feb., 2019  : Ram chhunga Media tam zawk leh mi \henkhat in vawiin Thawhlehni hian Rajya Sabha ah Citizenship Amendment Bill (Supplementary Bill) chu Sawrkarin a pu lut dawn nia an ngaih laiin Pu Ronald Sapa Tlau MP (Rajya Sabha) chuan nimin tlai dar 3:00 thleng kha chuan heti lam hawi hi sawi lan a la awm lo a; thu thar a la awm thei lo a ni’ tiin min chawhnu khan Telephone hmanga Aizawl Media te zawhna a chhang.

    Mizoram MPPu Ronald-a chuan NE States dang te chuan CAB duhlohna hi huai tak leh awmze nei takin an kalpui a; kan State ah chuan hmuh tur a awm ve lo a; ka MP nih pui ten min zawh apiangin sawi tur ka nei ve lo a ni’ a ti a. ‘Pathian engkim titheia chuan min hruai dawn tih hria-in Zoram mipuite thlamuang takin i awm phawt ang u’ a ti bawk.

    Pu Ronald-a chuan nimin chawhnu lam khan Union Home Minister of State Kiren Rijiju nen Parliament ah an inhmuh thu sawiin Party dangte nen pawh an inbe pawp reng a; an thawhpui theih tur awm mi MP dang te hnenah CAB chu dodal tura ngenna lehkha an pe vek niin a sawi a. Mizoram ah NGO hrang hrang ten theih tawp an chhuah a; Kohhran hruaituten Mizoram Kohhran hrang hrangah Tawngtai in tan an la bawk a; lawmawm a ti hle niin a sawi bawk.

    Nimin vek khan NGO Coordination Committee chuan Emergency Meeting hmanhmawh an ko a; vawiin chawhnu dar 1:00 ah hian Aizawl Vanapa Hall kawtah Protest Day hman an rel a; hetiang deuh hian Mizoram chhung District hrang hrang khawpui ah pawh Protest Day hmang vek turin District NGO Coordination Committee an hriattir a. Flag dum kenga kalkhawm turin mipui an ngen.

    Mizoram Kohhran Hruaitu Committee chuan CAB hi India Parliament in a passed loh nan Kohhran zawng zawng ah tawngtai rual hun hmang turin a hriattir a. Inrinni zan leh Pathianni zan khan Kohhran-hote an tawngtai a ni.

    ZPM chhung Inkhawm ah Pu Lalmuanpuia Punte General Secretary chuan ‘CAB 2016 tihhlawhtlin ngei tura Central sawrkar a inbuatsaih mek lai hian Mizorama lo lut ru Chakma Foreigner buaipui tham khawpa awm te, a rang thei ang bera hnawhchhuah hi MNF sawrkar hian hna hmasa berah a nei ngei tur a ni’ a ti a. Chief Minister chu tih tak zeta hma la ve duh lo-ah a puh bawk.


    No comments

    Post Top Ad

    Post Bottom Ad