• Breaking News

    Breazeale leh Whyte-te Wilder bei tur zawngin an inbei dawn

    MBC Interim title
    American Dominic Breazeale leh British boxer Dillian Whyte-te chu World Boxing Council (WBC) chuan heavy-weight champion Deontay Wilder beitu tur zawk zawng tura inhnek turin a hriattir.

    American boxer Wilder hian nikum Decem-ber thla khan British boxer Tyson Fury lakah sawisel hlawh taka draw result nei hramin a title a hum hram a. WBC chuan inhnek nawn turin a ti naa, an inhnek leh hleithei lo va. Tichuan, heavyweight kawnghren chuh ve thei tura ngaih Breazeale chu chance pek ngaiin an hre leh si a, “Heavyweight division che lo lutuk tihchet nan leh Breazeale-a’n challenger dik tak a ni tih a finfiah theih ngei nan WBC chuan interim champion-ship fight buatsaih a duh ta a ni,” tiin Twitter-ah thu an chhuah a ni.

    Breazeale hian kum 2017 November thla khan American boxer tho Eric Molina chu round 8-naah knockout-in mandatory challenger nihna a hauh a. MI 21 a hnek tawhah mi 20 hnehin, pakhat a hneh lo tawh a. Mi 18 lai a knockout bawk a. Nikum December thla khan Puerto Rico boxer Carlos Negron chu rounf 9-naah knock-out lehin a dinhmun ngai a la chang zel a. An inhnek lai a hmuna entu Wilder chu  chovin a au nghe nghe a ni.

    Whyte hi nikum chhunga heavyweight-a inhlang kai a ni a, WBC Silver Champion ni lai a ni a. Lucas Browne, Joseph Parker leh Dereck Chisora te hneh thei, mi 26 a hnek tawha pakhat chiah la hneh lo, mi 18 knockout tawhtu a ni ve bawk a. Breazeale  nena an inhnek hi a hmuh-nawm ngawt ang.

    No comments

    Post Top Ad

    Post Bottom Ad