• Breaking News

    Bohemian Rhapsody-in CAS-ah chawimawina a dawng

    Queen frontman Freddie Mercury hringnun behchhana film siam, ‘Bohemian Rhapsody’ film-a sound mixing te chuan Cinema Audio Society Award-ah sound mixing category-ah chawimawina an dawng.

    Los Angeles-a Inter-continental Los Angeles Downtown-ah 55th CAS Awards semna hun hi hman a ni a. Hetah hian Bohemian Rhapsody hian chawi-mawina hi a dawng a ni.

    Mixing team chawi-mawina an dawn a lak pahin rerecording mixer leh music mixer Paul Massey chuan Queen member Brian May leh Roger Taylor-te chu hnathawhpui atana an duh ve avanga lawmthu hrilhin, Queen music mix tura an rin tawk avangin a lawm hle thu a sawi bawk.

    CAS-a feature category hova award la hi kum 10 liamta chhung khan paruk laiin Oscars an dawng zui a. Bohemian Rhapsody hian kumin Oscars-ah award a dawng dawn em tih chu ni 24-ah kan hre thei dawn a ni.

    Chawlhni lo awm tura Academy Awards (Oscars) sem chhuah turah hian Bohemian Rhapsody hi sound mixing ctaegory-ah hian nomination hmu zingah a tel a. CAS hma hian BAFTA-ah pawh best sound (hetah hian mixing leh editing a tel) award a lo dawng tawh bawk a ni.

    CAS-ah hian Isle of Dogs chu animation category-ah award hlan a ni a. Incredibles 2, Ralph Breaks the Internet, Spider-Man: Into the Spider-Verse leh The Grinch-te a khum a ni ber a. Ocscars-ah pawh best animated feature-ah Isle of Dogs, Incredibles 2, Ralph, Spider-Man leh GKIDS' Mirai-te chu nominate an ni ve bawk a. Oscars sem hlan a nghah-hlelhawm tawh khawp mai

    No comments

    Post Top Ad

    Post Bottom Ad