• Breaking News

    Bawlhhlawh

    Thil eng pawh hlu leh \angkai tak, man to tak pawh nise, a awm lohna hmun tura a awm chuan bawlhhlawh a ni thei. Chu mai bakah inkawp lo tur an awm dun emaw awmho emaw pawhin bawlhhlawh ah chang thei bawk.

    Kan chakna hnar chaw leh min ti hmelmawitu sam (hair) pawh hi an awmna tur ve ve ah an awm loh chuan a tenawm ve ve a, bawlhhlawh ah a chang mai thin. Chaw mal awm pawh ei tlak a ni  lova; an bawlhhlawh ve ve a ni.

    Engpawh chu nise, a awmna hmuna awm lo chu, bawlhhlawh a nih rualin; chu chuan a awmna hmun pawh chu a tibawlhhlawh thei a ni. Mihring taksa ngei pawh hi duatin enkawl uluk viau mah ila, rimtui tinreng hnawihin uluk viau mah ila, a nunna a hloh tawh chuan rei lote ah bawlhhlawh leh rimchhia a chang mai \hin.

    Tichuan bawlhhlawh chu eng ber nge ni ta ang? A awmna hmuna awm lo, a hlutna hloh tawh leh \angkaina nei lo, tiin a sawi theih ang. Chu bawlhhlawh chu a bawm (bawllhhlawh bawm) ah kan dah a, kan paih mai \hin. |angkaina leh hlutna nei lo, hmantlak tawh loh a nih vang a ni.

    Bawlhhlawh bawma awm zawng zawng chu bawlhhlawh an nih vek lem loh chang erawh a awm \hin. Thil hlu kan lo paih tel palh chuan kan la leh a, a chang chuan kan thil tih  bo zawngin  a bawm kan hai fo \hin bawk.

    Mite hian awmna hmun, riahna hmun leh chanvo kan nei \heuh a, kan awmnaah mi tangkai leh hmantlak te kan nih a pawimawh hle.

    Kan tih tur leh chanvo te hlen chhuak a, kan puitlin zel a \ul; chutiang ni lova, hmantlak loh, \angkai lo kan nih chuan mi dangte tana hnawksak, mite harsatna siamtu kan nih chuan mi bawlhhlawh  kan lo ni hlauh thei.

    Kan awmna hmun \heuhah mi entawntlak, mi dangte tana malsawmna ni thei turin inbuatsaih ila, kan inhriat aiin mi’n min hrechiang a, kan theihtawk bak min beisei ngai lo.

    Theih ve tawk pawh ti peih lo, rintlak loh, \angkaina nei lo kan nih erawh chuan induh ve tawk viau mah ila, mi bawlhhlawh tak kan lo ni thei reng a ni tih i hria ang u.

    No comments

    Post Top Ad

    Post Bottom Ad