• Breaking News

    Bail-in R Kelly a chhuak

    bail out
    R&B star R Kelly chuan court-in pawisa chawi tura a tih, dollar nuai khat pe-in Chicago jail a chhuahsan.

    R. Kelly chhuah thu hi nimin khan Cook County Sheriff Office thu puangtu chuan a sawi.

    R Kelly hian a laka thubuai an siamsak 10-ah hian a thiam thu a la sawi zel a. A laka thubuai theh luttute hi hmeichhe pali niin, heng mite zinga pathum phei chu R Kelly’n sex a hmanpui lai hian kum an tling lo tih an sawi a ni.

    Kum 52-a upa R Kelly hi jail a\anga a chhuah hian coat lum puk chi pawl a rawn ha chhuak a. Jail a\ang hian a ukil nen an rawn chhuak a, anmahni lo bawrtu media mite hnenah engmah an sawi lo.

    R Kelly hi kar hmasa Zirtawpni khan thuneitute man ngai lovin amah a inpe a, kar tawp chhung zawng kha jail-ah hian a hmang.

    Zai thiam Kelly hi kum eng emaw zat chhung chu hmeichhe laka mawi lo taka che \hin leh kum tling lo mutpui chingah puh a ni a. Mahse, tun thlengin thiam loh a la chang lo zel a. Tunah hian thubuai rip tak a awrh mek a, heng a thu buaiah te hian thiam loh a chang a nih chuan a lo berah kum sarih chhung taninah a tan rin a ni.

    Cook County Sheriff Office thupuangtu Sophia Ansari chuan Court-in dollar maktaduai khat chawi tura a tih a\anga 10% chu R Kelly hian in-bail chhuah nana a hman phalsak a nih angin dollar nuai khat pein a chhuak a. Mahse, a zin phalsak a ni lo va, kum 18 hnuailam biak phalsak a ni lo bawk.

    No comments

    Post Top Ad

    Post Bottom Ad