• Breaking News

    BAFTA-ah The Favourite a langsar

    Bafta Film Awards 2019 an sem chhuak ta a. The Favourite chuan nomination hmu hnem ber a nih angin chawimawina dawng hnem ber nihna pawh a hauh ta a. Nomination 12 a hmuhah award 7 a la a ni.

    The Favourite chawi-mawina dawn zingah hian Olivia Colman chuan Best actress award a la a, Rachel Weisz pawhin best supporting actress award a la bawk.

    Mexican film Roma chu best film-ah thlan a ni a. Hetih lai hian Rami Malek chuan Bohemian Rhapsody-a Freddie Mercury lem a chan thiam em avangin best actor atan thlan a ni bawk.

    Best actress leh best supporting actress bakah hian period drama The Favourite hian best production design, best costume design, best hair & make-up leh best original screenplay-te a dawng bawk a ni.

    Bafta Awards-ah hian Roma chuan chawimawina 4 a dawng a, Bohemian Rhapsody pawhin 2 a dawng ve bawk a. Roma hian best film bakah best director, best cinemato-graphy leh best film not in the English language-te a dawng bawk.

    Bohemian Rhapsody hian a changtupa Malik-a award dawn bakah best sound award a dawng bawk a. Hetih lai hian he film director Bryan Singer chu Bafta award dawng tura nominate ni mah se, chawimawina sem hma hian mipat hmeichhiatna lam hawia a mualpho avangin a hming hi an paih leh daih a ni.

    No comments

    Post Top Ad

    Post Bottom Ad