• Breaking News

    Arunachal Pradesh buaina - curfew a ni zel, internet tihtawp a ni

    Arunachal Pradesh
    Sorkarin Arunachal Pradesh Scheduled Tribes hnam zinga tel lo mi paruk hnenah Permanent Resi-dence Certificate (PRC) a pek chhuah duh lohna avanga buaina kal zelah nimin khan curfew puan a ni a, Arunachal Pradesh state pumah thu dik lo theh darh a nih lohna turin state sorkar thuneitute chuan internet service an titawp.

    Curfew hi state khawpui ber Itanagar-ah Nilaini zing lam dar 9 thleng atan puan a nih thu Itanagar Capital Complex Deputy Commis -sioner Prince Dhawan chuan a sawi a. Boruak a ziaawm thuai an beisei thu a sawi bawk.

    Zirtawpni khan PRC dik lo taka pek chhuah a nih avang hian zirlai pawl leh tlawmngai pawl dang 18 inzawm khawmte chuan sorkar laka an lungawi lohna hi an lantir a. Police-te nen an intihbuainaah mi pakhat chuan silai kahna tuar zo lovin a thih phah a. Nuarte hian lung leh hmanraw dang hmangin sipai leh police-te an beih avangin an buaina a nasa viau a ni.

    Inrinni khan sorkar chuan Itanagar leh Nahar-lagun-ah curfew an puang  a. Nimin khan Chief Minister Pema Khandu chuan hemi chungchang sawi turin hian party zawng zawng meeting a ko va. Mahse, eptu lam - National People`s Party (NPP), People`s Party of Arunachal (PPA) leh Congress-te chu an tel duh lo a ni.

    Chawlhni khan Arunachal Pradesh sorkar chuan PRC hi kalpui zui a ni tawh dawn lo tih an puang a, mahse, hei hian buaina a tireh lem lo hle a. Governor Brig B.D. Mishra (retd) pawhin tharum thawhna a dem thu a sawi a. Arunchal mi leh sate chuan an duh leh duh loh zawng an lantir chu an dikna chanvo a ni a, mahse, tharum thawh chu dan kalh a ni tih sawiin, sorkar pawh buaina a pun-lun zel lohna tura hma la nghal turin a ngen nghal bawk a ni.

    Nimin khan Itanagar khawpuiah sipai phurh luh belh an ni a, boruak a la \ang hle a ni.

    Zirtawpni-a buaina a chhuah a\ang khan nuarte hian lirthei 50 an hal tawh a, za chuang an tichhe bawk a. Nuarte hian Environment and Forest Minister Nabam Rebia chuan PRC chungchanga a report chu thu dik a nih leh nih loh en chiang lovin a theh lut niin an sawi a ni.

    No comments

    Post Top Ad

    Post Bottom Ad