• Breaking News

    Arsenal midfielder Aaron Ramsey-a’n Juventus zawm turin a inrempui

    Arsenal midfielder Aaron Ramsey chuan nipui huna contract ziak turin inremna a neihpui a. Juventus-a contract a ziah hunah chuan kar khatah pound nuai 4 a hlawh dawn an ti.

    Kum 28-a upa Ramsey hian Juventus-ah hian kum li daih contract ziah a remti a. Juventus hian tun season tawpah Arsenal a\angin Ramsey hi a thlawnin an la lut dawn a ni.

    Ramsey hian Arsenal-ah hian kum 11 chhung zet a khel tawh a. A contract hi tun season tawp ruala tawp mai tur a ni a, Arsenal hian contract thar an ziahpui thei lo a. Europe-a club hrang hrangin an hel a, mahse, January thla khan Juventus-ah hian medical neiin Italian champion Juventus hi a thlang ta a ni.

    Juventus hi a zawm thei a nih chuan British player piang tawh zinga hlawhpui (basic salary) sang ber a ni dawn a ni.

    Wales international Ramsey hian kumin June ni 30 hian Arsenal-a a contract a hmang zo dawn a, hemi avang hian Arsenal hian a manah pawisa tel tur an nei lo.

    Juventus chuan Ramsey manah hian Euro maktaduai 3.7 an seng dawn tih an sawi a, mahse, chu a man chu tuin nge tel dawnan sawi lo.

    Arsenal chuan Ramsey hian Arsenal-a a khelh chhung khan club tan a thawh hlawk hle a ni tih sawiin, an thinlungah hmun ropui tak a chang reng dawn a ni tih an sawi a, an thlah fel titih tawh.

    Ramsey pawhin Instagram-ah Arseanl fan-te chungah lawmthu sawiin, Arsenal supporter a nih zel dawn thu a sawi.

    Ramsey chuan, “Rawl-thar te ka nih laiin min lo lawm a. Ka chet \hat leh chet chhiat lai pawhin ka lamah in \ang reng a. He club-a kum 11 lai hun ka hman hnu hian thinlung rit leh lungchhe tak chungin ka chhuahsan dawn a ni,” a ti ve bawk.

    Juventus chuan an website-ah official-in Ramsey hi an lo lawm tawh a. Wales player an lak luh pathumna a nih tur thu pawh an sawi a. Ramsey hma hian John Charles leh Ian Rush-te chu Juventus tan hian an lo khel tawh \hin a ni.

    Ramsey hian kum 2008 khan Arsenal hi Cardiff City a\angin a zawm a. Arsenal hian a manah pound maktaduai 4.8 vel an seng a. Juventus bakah hian Barcelona nen pawh an inbia a, Paris St-Germain pawhin an sawm an ti a. Bayern Munich, Inter Milan leh Real Madrid pawhin an duh an ti bawk.

    Arsenal hian nikum September thla khan contract thar an zawrh a, mahse, Ramsey hian hlawh pun a ngiat avangin Arsenal hotute nen an inrem thei ta lo a. Chu bakah Head coach Unai Emery chuan number 8 position-ah a khelhtir duh lo va, chuvang -in Arsenal-ah hmun a chang lo chho bawk a, a chhuak dawn ta a ni.

    No comments

    Post Top Ad

    Post Bottom Ad