• Breaking News

    Ariana Grande - mi hla a ru em ni?

    Puerto Rican rapper Princess Nokia chuan Ariana Grande chu demin, he pop star hian a hla a ru niin a sawi.

    Kum 26-a upa Nokia hian social media-ah Ariana hla thar - 7 Rings chu online-ah a ngaithla lai video a post a. Hemi hnu hian 1992 a a hla, ‘Mine’ chu play lehin, heng hla pahnihte hi a inang hle niin a sawi a. “Han ngaithla ve chhin teh, a inang i ti ve em? Kei chuan inang ka ti a, ka hla, hmeichhe vun buangte leh an sam chungchang ka phuahna a ni a, mi ngo chungchang a ni ta daih zawk emaw ni..?” a ti.

    Nokia hi a hming dik tak chu Destiny Nicole Frasqueri niin, Twitter-a a follower-te pawhin a hla leh Adriana hla chu inang an tih chu an post-te pawh a share nual bawk.


    A fan zinga pakhat phei chuan, “Adrian te chu black culture ngaisangtu a nia, i awte pawh a copy deuh \hin maw le,” a ti a. Pakhat chuan, “Khing la, pawisa chawitir teuh rawh,” a lo ti ve bawk
    Ariana hian a hla thar hi a bialpa Pete Davidson nena an inthen hlim khan a thian pakhat nen tlereuh leiin an kal kual a. Zirtawpni zing a ni a, chuta an kal velna lamah chuan he hla phuah duhna a nei ta niin a sawi a. He hla hi tunah hian a lar chho mek a. A music hi Sound of Music soundtrack-a My Favourite Things music tih tunlai deuha siam a ni a. Adriana hian sawisel a kai viau naa, hetia amah puhna chungchang hi social media emaw, TV leh chanchinbu lamah emaw a la chhang miah lo va. Nokia hian court-ah a khing ngam ang em tihte leh eng angin nge he boruak hi a len zel ang tih chu kan la hria ang chu.

    No comments

    Post Top Ad

    Post Bottom Ad