• Breaking News

    Anthony Joshua leh Jarrell Miller-te kuminah an inhnek dawn

    Hneh loh nei lova Heavyweight boxing world champion Anthony Joshua chuan kumin June ni 1 hian New York-ah American boxer, amah chotu Jarrell 'Big Baby' Miller chu a hnek dawn a. Britain ram pawna a champion kawng-hren humhim tura inbeihna a hmachhawn hmasak ber a ni dawn a ni.

    Joshua hi WBA, IBF, WBO leh IBO heavy-weight belt hreng mektu a ni a. Kumin April ni 13 hian London-a Wembley Sta-dium-ah WBC champion ni lai Deontay Wilder nen an inhnek dawn ti-a sawi a ni a. Mahse, hei hi a thleng dawn ta lo niin a lang.

    Kum 29-a upa Joshua chuan YouTube-ah, “June ni 1 hian New York-ah ka zin dawn a. Madison Swuare Garden-ah Jarrell Miller lakah ka title humhim ka tum dawn a ni,” tiin a puang a ni.

    Joshua chuan boxing huang chhunga politics \ha lo avangin Wilder nen an inhnek thei dawn lo tih sawiin, “Hemi avang hian mi dang kan dap a ngai ta a. Tichuan, Miller hi a rawn lang ta a ni,” a ti.

    Joshua hian professio-nal a nih hnuah mi 22 a hnek  tawh a, a hneh vek a, 21 chu a knockout a ni.

    Joshua chuan, “Kan inhnek hun chu a hmuh-nawm ngawt ang. Miller hi chance ka pe dawn lo a, ka \hatzia ka lantir dawn a ni,” a ti.

    Miller pawh hi mi 24 hnek  tawh a la tlawm lo a ni a. Mi 23 a hneh tawh a, vawi khat chu a draw tawh a ni.

    Joshua hian kum 2017 April thla khan Wladimir Klitschko chu Wembley-ah hnehin, Carlos Takam leh Joseph Parker-te a hneh leh a. Hemi hnu hian nikum September thla khan Alexander Povetkin chu a hneh leh a ni.

    Miller hi kum 30-a upa a ni a, Joshu a hlau bik lo nasa. “America ramah a rawn inlan duh hi a tihsual lian ber a ni dawn a ni. Ring chhungah chuan ui leh ui inseh tur kan ni dawn a, ui lian zawkin a seh dawn a, a belt zawng zawng hi a kutin min pe mai se a \ha zawk ang. New York hi kut ruakin a chhuahsan dawn a ni,” a ti a, a vaupung a na ve khawp mai.

    No comments

    Post Top Ad

    Post Bottom Ad