• Breaking News

    Airport 10 khar a ni

    India chuan nimin khan thlawhna \umhmun 10 lai chu mipui hman theih lohvin a khar.

    Heng thlawhna \um-hmun khar zingah hian Srinagar, Jammu, Leh, Amritsar, Pathankot, Gaggal, Dehradun, Shim-la, Bhuntar leh Chandigarh  te a tel a. Civil mi-te tan hman theih a ni lo va, Indian Air Force-ten an hman theih turin airport hi tihruah a ni.

    Mumbai airport pawhin Jammu, Srinagar, Amritsar leh Chandigarh-a an thlawh tir \hin thlawhna te chu nimin khan an service-tir lo a. Heng airport-ah te hian khualzin thlawhna thlawhtir loh vek a ni.

    Amritsar-ah chuan thlawhnaa zin tum khualzin eng emaw zat an tangkhang a. Engtikah nge an chhuah theih dawn tih hi airport thuneitute pawhin an sawi theih mai loh avangin ngaihven turin an hrilh tawp mai a ni.

    GoAir pawhin Srinagar, Leh, Chandigarh leh Jammu airport-te khar a nih avangin hengah te hian an thlawhna a service lo tih an sawi a. Khualzinte chu an official website-ah an service leh hun tur lo chang turin an hriattir a. Indigo pawhin Srinagar, Jammu, Chandigarh, Amritsar leh Dehradun-a an service-te chu an titawp lailawk rih tih an puang bawk.

    Hetih lai hian India leh Pakistan van boruak hmanga thlawk \hin international flight-te pawh tunah hian an service ngam rih lo a. Thlawhna \henkhat, nimin zing lama thlawk chhuak hmante pawh an thlawh chhuahna lam panin an kir leh ni a report a ni.

    Pakistan pawhin India ang tho hian rami hnaih airport- Lahore, Multan, Faisalabad, Sialkot leh Islamabad-a mite chu nimin khan an khar vek a ni.

    No comments

    Post Top Ad

    Post Bottom Ad