• Breaking News

    Academy Awards (Oscars) entu an pung sawt

    Oscars
    Kumin Academy Awards (Oscars) chu nikum aiin entu an \hahnem zawk niin US broadcaster ABC chuan an sawi.

    ABC sawi danin kumin hian TV a\anga Oscars entu hi maktaduai 29.6 an tling a, nikum khan 26.5 an ni a. Nikum aia kumina entu tamna hi 11% lai a ni.

    Kumin Oscars-ah hian host awm lovin Academy hotute chuan mi lar  - Daniel Craig, Julia Roberts leh Dame Helen Mirren-te bakah mi dangte chu category hrang hranga award dawngtute an puantir a. Hemi vang hian entu an pung ni-a hriat a ni chuang lo naa, sawi zawm a hlawh hle a. Academy chuan nakkumah chuan official host neih leh an rel maithei tho an ti.

    Rob Mills, ABC-a senior vice president chuan, “Host awm lo hian awmzia a nei maithei a, nakkumah chuan hei hian sawi a hlawh hle ang. Nikuma Envelopegate ang kha awm se, host nei ta lo ila engtin nge ni ang?” a ti.

    Oscars-ah khan Lady Gaga leh Bradley Cooper  te chu an duet a, Gaga chuan a zaipuipa chu  zai thiam a tihzia a sawi a. Gaga hian Shallow film-a a zai avangin best original song award a la nghe nghe a nih kha. Gaga hian Twitter-ah Oscars rim nam a post nasa hle.

    No comments

    Post Top Ad

    Post Bottom Ad